Anil Ambaniના પગલાં, હાઈકોર્ટની રાહત બાદ બીજા દિવસે આર પાવરમાં અપર સર્કિટ લાગુ
Anil Ambani: મુકેશ અંબાણીના ભાઇ અનિલ અંબાણી માટે આ અઠવાડિયાની શરૂઆત સારા સમાચાર સાથે થઈ છે. સોલાર એનર્જી કોર્પોરેશન ઓફ ઈન્ડિયા લિમિટેડ (SECI)ના પ્રતિબંધ અને જાહેર સૂચનાના પગલે હવે દિલ્હી હાઈકોર્ટથી તેમની કંપનીને રાહત મળી છે.
મંગળવારે દિલ્હી હાઈકોર્ટ દ્વારા અનિલ અંબાણીની કંપની રિલાયન્સ પાવર પર SECI દ્વારા જારી કરાયેલા નોટિસ પર રોક લગાવાઈ છે. આ સમાચાર બાદ રિલાયન્સ પાવરના શેર બજારમાં તેજી જોવા મળી રહી છે.
શું છે સમગ્ર મામલો?
નવેમ્બર મહિનાની શરૂઆતમાં રિલાયન્સ પાવરે જાહેર કર્યું હતું કે તેને SECI તરફથી નોટિસ મળ્યો છે, જેમાં કંપનીને અને તેની સહાયક કંપનીઓને SECIના ભવિષ્યના તમામ ટેન્ડરમાં ત્રણ વર્ષ માટે ભાગ લેવાનું પ્રતિબંધિત કરવામાં આવ્યું છે.
કંપની પહોંચી હાઈકોર્ટ
SECIના પ્રતિબંધ અને જાહેર નોટિસના પગલે રિલાયન્સ પાવરે આ નોટિસને હાઈકોર્ટમાં પડકાર્યો હતો. મંગળવારે, 26 નવેમ્બર, 2024ના રોજ, હાઈકોર્ટે નોટિસ પર રોક લગાવવાનો આદેશ આપ્યો. આ નિર્ણય બાદ રિલાયન્સ પાવરના શેરમાં સતત તેજી જોવા મળી છે. મંગળવારે 5 ટકા અપરસર્કિટ લાગ્યું હતું અને બુધવારે પણ એ જ ગતિ આગળ વધતી રહી.
શું ફરી 53 રૂપિયા પહોંચશે શેયર?
3 ઑક્ટોબર, 2024ના રોજ રિલાયન્સ પાવરના એક શેરની કિંમત 53.64 રૂપિયા હતી, પરંતુ ત્યારબાદ તે ઘટીને 34.13 રૂપિયા સુધી આવી ગઈ. મંગળવારથી ફરીથી તેજી શરૂ થઈ છે. રિલાયન્સ પાવરના ફંડામેન્ટલ્સ પ્રમાણે, કંપનીનું માર્કેટ કેપ 15,377 કરોડ છે, જ્યારે શેરનું આરઓસીઇ 1.43% અને આરઓઇ માઇનસ 17.5% છે. શેરની ફેસ વેલ્યુ 10 રૂપિયા છે અને બુક વેલ્યુ 35.8 રૂપિયા છે.
