Baba Ramdev: બાબા રામદેવની કંપનીએ બમ્પર નફો કર્યો છે. કંપનીએ છેલ્લા 3 મહિનામાં લગભગ 9,335 કરોડ રૂપિયાની કમાણી કરી
Baba Ramdevની કંપનીએ બમ્પર નફો કર્યો છે. કંપનીએ છેલ્લા 3 મહિનામાં લગભગ રૂ. 9,335 કરોડની કમાણી કરી છે, જેમાં પતંજલિ ફૂડ્સની OFS તેમજ અન્ય એકમોની આવકનો સમાવેશ થાય છે.
બાબા રામદેવની આગેવાની હેઠળની પતંજલિ આયુર્વેદની કુલ આવક ગત નાણાકીય વર્ષમાં 23.15 ટકા વધીને રૂ. 9,335.32 કરોડ થઈ છે. રજિસ્ટ્રાર ઓફ કંપનીઝને આપવામાં આવેલી માહિતીમાં જણાવ્યું હતું કે આમાં પતંજલિ ફૂડ્સ (અગાઉ રૂચી સોયા) અને જૂથના અન્ય એકમોની ઓફર ફોર સેલ (OFS)ની આવકનો સમાવેશ થાય છે. ટોફલરના રિપોર્ટ અનુસાર નાણાકીય વર્ષ 2023-24માં પતંજલિ ફૂડ્સ ઉપરાંત પતંજલિ આયુર્વેદની આવકમાં નોંધપાત્ર વધારો થયો છે. જે ગયા વર્ષે રૂ. 46.18 કરોડ હતી, તે વધીને રૂ. 2,875.29 કરોડ થઇ ગઇ છે.
ગયા વર્ષે નુકસાન થયું હતું
બાબા રામદેવની કંપનીને પાછલા નાણાકીય વર્ષમાં ભારે નુકસાન સહન કરવું પડ્યું હતું. પતંજલિ આયુર્વેદે 1 જુલાઈ, 2022ના રોજ તેના ફૂડ બિઝનેસને પતંજલિ ફૂડ્સમાં ટ્રાન્સફર કરવાને કારણે, તેની આવક 14.25 ટકા ઘટીને રૂ. 6,460.03 કરોડ થઈ હતી. પતંજલિના ફૂડ બિઝનેસમાં બિસ્કિટ, ઘી, અનાજ અને ન્યુટ્રાસ્યુટિકલ્સનો સમાવેશ થાય છે.
2023-24માં નફો વધ્યો
કંપનીની આવકમાં ઘટાડા પછી, તે જ વર્ષે તેની આવકમાં ફરીથી વધારો થયો છે. નાણાકીય વર્ષ 2023-24માં તેનો કુલ નફો પાંચ ગણો વધીને રૂ. 2,901.10 કરોડ થયો છે. નાણાકીય વર્ષ 2022-23માં અનલિસ્ટેડ એન્ટિટી પતંજલિ આયુર્વેદની કુલ આવક (અન્ય આવક સહિત) રૂ. 7,580.06 કરોડ હતી.
