FD Rate: ફિક્સ્ડ ડિપોઝિટ (FD) માં રોકાણ સુરક્ષિત માનવામાં આવે છે અને તે લોકપ્રિય રોકાણ વિકલ્પ.
રોકાણની સરળતા, બાંયધરીકૃત વળતર, વિવિધ મુદત વિકલ્પો અને ઉચ્ચ પ્રવાહિતા સાથે, ફિક્સ્ડ ડિપોઝિટ એટલે કે FD એ આપણા દેશમાં સૌથી વધુ પસંદગીના રોકાણ વિકલ્પોમાંથી એક છે. જો તમે ફિક્સ ડિપોઝિટમાં રોકાણ કરવાનું વિચારી રહ્યા છો તો આ સમાચાર તમારા માટે ઉપયોગી છે.
ભારતીય રિઝર્વ બેંકે આ મહિને સતત નવમી વખત રેપો રેટને 6.5 ટકા પર રાખ્યો છે, જેના કારણે ઘણી બેંકોએ તેમના FD વ્યાજ દરોમાં વધારો કર્યો છે. RBIના વલણને કારણે ઘણી સરકારી, ખાનગી અને નાની ફાઇનાન્સ બેંકો FD પર આકર્ષક વ્યાજ દર ઓફર કરી રહી છે. સરકારી બેન્કોની સરખામણીમાં દેશની ઘણી નાની ફાઇનાન્સ બેન્કો તેમના રોકાણકારોને ખૂબ ઊંચા વ્યાજ ઓફર કરી રહી છે.
શું આ નાની ફાયનાન્સ બેંકોમાં પૈસા રાખવા સલામત છે?
હવે સવાલ એ થાય છે કે શું સ્મોલ ફાઇનાન્સ બેંકમાં પૈસા રાખવા સલામત છે? બેંકના પતન અથવા નાદારીના કિસ્સામાં, ડિપોઝિટ ઇન્સ્યોરન્સ અને ક્રેડિટ ગેરંટી કોર્પોરેશન (DICGC) દ્વારા આપવામાં આવતું વીમા કવચ થાપણકર્તાને એકમાત્ર રાહત છે. DICGC હેઠળ બેંક થાપણો પર વીમા કવચ રૂપિયા 5 લાખ સુધી છે. ડીઆઈસીજીસી દ્વારા આપવામાં આવેલ વીમા કવર થાપણો પર કામ કરે છે જેમ કે બચત ખાતા, એફડી, ચાલુ ખાતા, આરડી વગેરે.
