Gold Price Today: સોનાની સાથે ચાંદીની કિંમત પણ વેચવાલીનું દબાણ હેઠળ રહી અને તે રૂ.95,000ની નીચે આવી ગયો.
Gold Price Today: દિવાળીનો તહેવાર પૂરો થતાની સાથે જ સોનાના ભાવમાં ભારે ઘટાડો જોવા મળ્યો છે. સોમવારે, દિલ્હીના બુલિયન માર્કેટમાં સ્ટોકિસ્ટો અને છૂટક દુકાનદારો દ્વારા નવેસરથી વેચાણને કારણે, સોનાની કિંમત તેના રેકોર્ડ સ્તરથી નીચે આવી ગઈ છે. સોમવારે દિલ્હીના બુલિયન માર્કેટમાં સોનાની કિંમત 1300 રૂપિયા ઘટીને 81,100 રૂપિયા પ્રતિ 10 ગ્રામ થઈ ગઈ છે. ઓલ ઈન્ડિયા બુલિયન એસોસિએશને સોનાની નવીનતમ કિંમતને લઈને આ માહિતી આપી છે. ઓલ ઈન્ડિયા બુલિયન એસોસિએશનના જણાવ્યા અનુસાર, ગત સપ્તાહે ગુરુવારે (દિવાળી) દિલ્હીમાં 99.9 ટકા શુદ્ધતાનું સોનું તેની નવી વિક્રમી ઊંચાઈ 82,400 રૂપિયા પ્રતિ 10 ગ્રામ પર યથાવત રહ્યું હતું.
ચાંદીના ભાવમાં પણ જબરદસ્ત ઘટાડો
સોનાની સાથે ચાંદીની કિંમત પણ વેચવાલીનું દબાણ હેઠળ રહી અને તે રૂ.95,000ની નીચે આવી ગયો. આજે ચાંદીનો ભાવ રૂ. 4600 ના ઘટાડા સાથે રૂ. 94,900 પ્રતિ કિલોગ્રામ પર પહોંચી ગયો હતો, જ્યારે ગુરુવારે છેલ્લા ટ્રેડિંગ સત્રમાં એક કિલો ચાંદીનો ભાવ રૂ. 99,500 પર બંધ થયો હતો. વેપારીઓનું કહેવું છે કે સ્થાનિક બજારોમાં જ્વેલર્સ અને છૂટક દુકાનદારોની ધીમી માંગને કારણે સોનાના ભાવ પર અસર થઈ છે.
99.5 ટકા શુદ્ધતાના સોનાના ભાવમાં પણ ઘટાડો થયો છે
સોમવારે 99.5 ટકા શુદ્ધતાના સોનાની કિંમત પણ 1,300 રૂપિયા ઘટીને 80,700 રૂપિયા પ્રતિ 10 ગ્રામ થઈ ગઈ છે. જ્યારે ગુરુવારે છેલ્લા સત્રમાં તેની કિંમત 82,000 રૂપિયા પ્રતિ 10 ગ્રામ હતી, જે તેની આજીવન ઉચ્ચતમ છે. LKP સિક્યોરિટીઝના રિસર્ચ એનાલિસ્ટ (કોમોડિટી અને કરન્સી)ના વાઇસ પ્રેસિડેન્ટ જતિન ત્રિવેદીએ જણાવ્યું હતું કે, “સોનાના ભાવમાં અસ્થિરતા જોવા મળી હતી કારણ કે કોમેક્સ પર સોનાને $2730ની આસપાસનો ટેકો મળ્યો હતો, પરંતુ તે $2750થી ઉપર જવા માટે અસમર્થ હતો.”
અમેરિકન ચૂંટણી પર અસર પડશે
જતિન ત્રિવેદીએ જણાવ્યું હતું કે, “અમેરિકાની ચૂંટણીના પરિણામો આગામી બે દિવસમાં આવવાના છે, તેથી બજાર પર મિશ્ર અસર જોવા મળી શકે છે, જેના પરિણામે MCX રૂ. 78,000 થી રૂ. 79,000 વચ્ચે મર્યાદિત રેન્જમાં વેપાર કરી શકે છે. વૈશ્વિક સ્તરે, કોમેક્સ ગોલ્ડ ફ્યુચર્સ 0.13 ટકા અથવા $3.6 પ્રતિ ઔંસ વધીને $2752.80 પ્રતિ ઔંસ થયું હતું. બીજી તરફ એશિયન માર્કેટમાં કોમેક્સ સિલ્વર ફ્યુચર્સ 0.78 ટકા વધીને 32.94 ડોલર પ્રતિ ઔંસ પર પહોંચ્યો હતો.
