HDFC Bank: HDFC બેંકે નવા વર્ષમાં પોતાના ગ્રાહકોને ભેટ આપી છે.
HDFC Bank: HDFC બેંકે તેના માર્જિનલ કોસ્ટ ઓફ ફંડ્સ-બેઝ્ડ લેન્ડિંગ રેટ (MCLR)માં 5 બેસિસ પોઈન્ટ્સનો ઘટાડો કરવાની જાહેરાત કરી છે. આ પછી, બેંકનો MCLR હવે 9.15% થી 9.45% ની વચ્ચે છે. આ નવા દર 7 જાન્યુઆરી, 2025થી અમલમાં આવ્યા છે.
હોમ અને પર્સનલ લોનના EMIમાં ઘટાડો
MCLRમાં ઘટાડો હોમ લોન, પર્સનલ લોન અને બિઝનેસ લોન જેવી ફ્લોટિંગ રેટ લોનને અસર કરશે. આ લોનના EMIમાં ઘટાડો થવાની સંભાવના છે. એચડીએફસી બેંકના જણાવ્યા અનુસાર, રાતોરાત MCLR 5 bps ઘટાડીને 9.20% થી 9.15% પર લાવી દેવામાં આવ્યો છે. એક મહિનાનો MCLR 9.20% પર યથાવત રહ્યો, જ્યારે ત્રણ મહિનાનો MCLR 9.30% પર સ્થિર રાખવામાં આવ્યો. છ મહિનામાં 5 bps ના ઘટાડા સાથે અને એક વર્ષમાં MCLR તે અનુક્રમે 9.50% થી ઘટીને 9.45% પર આવી ગયું છે. બે વર્ષ અને ત્રણ વર્ષનો MCLR પણ 5 bps ઘટાડીને 9.45% કરવામાં આવ્યો છે.
MCLR શું છે?
MCLR એ લઘુત્તમ વ્યાજ દર છે જે નાણાકીય સંસ્થા ચોક્કસ લોન માટે સેટ કરે છે. આ લોન માટે વ્યાજ દરની નીચી મર્યાદા નક્કી કરે છે. આગામી મહિનાઓમાં, આરબીઆઈ તેની નાણાકીય નીતિની બેઠકમાં રેપો રેટમાં ઘટાડો કરે તેવી અપેક્ષા છે, જે લોનને વધુ સસ્તું બનાવી શકે છે.
