LIC Scholarship: LICનો વિશેષ શિષ્યવૃત્તિ કાર્યક્રમ, આશાસ્પદ બાળકોને નાણાકીય સહાય
LIC Scholarship: (ભારતીય જીવન વીમા નિગમ) એ આર્થિક રીતે નબળા પરિવારોના બાળકો માટે ગોલ્ડન જ્યુબિલી શિષ્યવૃત્તિ 2024 શરૂ કરી છે. આ શિષ્યવૃત્તિ એવા વિદ્યાર્થીઓ માટે છે કે જેમણે શૈક્ષણિક વર્ષ 2021-22, 2022-23 અથવા 2023-24માં 60% અથવા વધુ ગુણ સાથે 12મું અથવા ડિપ્લોમા પૂર્ણ કર્યું છે. આ ઉપરાંત 2024-25માં પ્રથમ વર્ષમાં પ્રવેશ લેનાર વિદ્યાર્થીઓ પણ આ શિષ્યવૃત્તિ માટે અરજી કરી શકે છે.
હપ્તાઓમાં ચૂકવવાની રકમ
આ શિષ્યવૃત્તિ હેઠળ, પસંદ કરાયેલા વિદ્યાર્થીઓને 10મા પછી દર વર્ષે 1,500 રૂપિયા આપવામાં આવશે જેથી કરીને તેઓ સરકારી માન્યતા પ્રાપ્ત કોલેજો અથવા સંસ્થાઓમાં તેમનો આગળનો અભ્યાસ ચાલુ રાખી શકે. આ રકમ બે હપ્તામાં ચૂકવવામાં આવશે, એટલે કે 7,500 રૂપિયા વિદ્યાર્થીઓના બેંક ખાતામાં વર્ષમાં બે વાર NEFT દ્વારા મોકલવામાં આવશે.
ઉચ્ચ શિક્ષણ માટે પણ મદદ
આ શિષ્યવૃત્તિ દ્વારા, એલઆઈસી એવા વિદ્યાર્થીઓને મદદ કરશે જે પૈસાના અભાવે ઉચ્ચ શિક્ષણ મેળવી શકતા નથી. જો કોઈ વિદ્યાર્થી તબીબી ક્ષેત્રે અભ્યાસ કરવા માંગે છે (જેમ કે MBBS, BAMS, BHMS, BDS), તો તેને બે હપ્તામાં રૂ. 40,000 નું સમર્થન મળશે.
