Motilal Oswal
Motilal Oswal AMC: કેન્દ્ર સરકારે સંરક્ષણ ઉત્પાદનમાં આત્મનિર્ભર ભારતને પ્રોત્સાહન આપ્યું છે ત્યારથી, સરકારી PSU સંરક્ષણ કંપનીઓના શેરોએ રોકાણકારોને મજબૂત વળતર આપ્યું છે.
Motilal Oswal Nifty India Defence Index Fund: જો તમે ડિફેન્સ શેરો ખરીદવાને બદલે ડિફેન્સ સેક્ટર સંબંધિત ઈન્ડેક્સ ફંડમાં રોકાણ કરવા માંગતા હો, તો મોતીલાલ ઓસ્વાલ એએમસી ડિફેન્સ સેક્ટરમાં એક્સપોઝર મેળવવાની એક મોટી તક લઈને આવે છે. એસેટ મેનેજમેન્ટ કંપનીએ મોતીલાલ ઓસ્વાલ નિફ્ટી ઈન્ડિયા ડિફેન્સ ઈન્ડેક્સ ફંડ લોન્ચ કર્યું છે જેમાં રોકાણકારો રોકાણ કરી શકશે અને સ્ટોક એક્સચેન્જમાં લિસ્ટેડ ડિફેન્સ સ્ટોક્સમાં એક્સપોઝર મેળવી શકશે.
NFO 13-24 જૂન સુધી ખુલ્લું રહેશે
મોતીલાલ ઓસ્વાલ નિફ્ટી ઈન્ડિયા ડિફેન્સ ઈન્ડેક્સ ફંડનો ઉદ્દેશ્ય સંરક્ષણ ક્ષેત્રમાં વૃદ્ધિમાં રોકાણકારોની ભાગીદારી પ્રદાન કરવાનો છે. આ ઈન્ડેક્સ ફંડ એક ઓપન એન્ડેડ ફંડ છે જે નિફ્ટી ઈન્ડિયા ડિફેન્સ ઈન્ડેક્સના કુલ વળતરને ટ્રેક કરશે. મોતીલાલ ઓસ્વાલ નિફ્ટી ઈન્ડિયા ડિફેન્સ ઈન્ડેક્સ ફંડનો એનએફઓ ગુરુવાર, 13 જૂન, 2024થી ખુલશે અને રોકાણકારો આ NFOમાં 24 જૂન, 2024 સુધી રોકાણ કરી શકશે.
15 સંરક્ષણ શેરોમાં રોકાણની તક
નિફ્ટી ઈન્ડિયા ડિફેન્સ ઈન્ડેક્સ મેન્યુફેક્ચરિંગ અને સર્વિસિંગ ડિફેન્સ પ્રોજેક્ટ્સમાં કાર્યરત ડિફેન્સ કંપનીઓના પ્રદર્શનને પ્રતિબિંબિત કરવા માટે ડિઝાઇન કરવામાં આવ્યો છે. નિફ્ટી ઈન્ડિયા ડિફેન્સ ઈન્ડેક્સમાં 15 કંપનીઓનો સમાવેશ થાય છે. નિફ્ટી ઈન્ડિયા ડિફેન્સ ઈન્ડેક્સે 31 મે, 2024 સુધી CAGR આધારે એક વર્ષમાં 177 ટકા અને ત્રણ વર્ષમાં 89.5 ટકા વળતર આપ્યું છે. મોતીલાલ ઓસવાલ એએમસીએ જણાવ્યું હતું કે સંરક્ષણ ક્ષેત્રમાં મજબૂત કામગીરીની શક્યતાઓ છે પરંતુ તેમાં ભારે વધઘટ પણ જોવા મળી શકે છે.
અંદાજિત ટર્નઓવર 100 -120 બિલિયન ડોલર
મોતીલાલ ઓસ્વાલ એસેટ મેનેજમેન્ટ કંપનીના એમડી અને સીઈઓ પ્રતીક અગ્રવાલે ઈન્ડેક્સ ફંડના લોન્ચિંગ પ્રસંગે જણાવ્યું હતું કે, ભારતના સંરક્ષણ ક્ષેત્રમાં આત્મનિર્ભરતાને કારણે વૃદ્ધિ અને નવીનતાનો માર્ગ તૈયાર થઈ રહ્યો છે. મોતીલાલ ઓસ્વાલ નિફ્ટી ઈન્ડિયા ડિફેન્સ ઈન્ડેક્સ ફંડ દ્વારા અમે આગામી છ વર્ષમાં સંરક્ષણ ક્ષેત્રમાં $100 થી $120 બિલિયનની વિસ્તરણ યોજનાનો લાભ લેવા માંગીએ છીએ. તેમણે કહ્યું કે, સંરક્ષણ ક્ષેત્ર પર ખર્ચના મામલામાં ભારત વિશ્વમાં ચોથા ક્રમે છે. આત્મનિર્ભરતા અને આધુનિકીકરણ પર ભારતના ભારને કારણે સ્થાનિક સંરક્ષણ કંપનીઓ પાસે મોટી તક છે.
સંરક્ષણ ક્ષેત્રમાં આત્મનિર્ભરતાનો લાભ
નોમુરા રિસર્ચ અનુસાર, ભારતનું સંરક્ષણ ક્ષેત્ર નાણાકીય વર્ષ 2023-24 થી 2031-32 સુધી લગભગ $138 બિલિયનની તક લાવી રહ્યું છે. ભારત તેની રાષ્ટ્રીય સુરક્ષાને પ્રાથમિકતા આપી રહ્યું છે, તેથી રોકાણકારોને આ વ્યૂહાત્મક વૃદ્ધિમાં ભાગ લેવાની મોટી તક છે. નોમુરા અનુસાર, સરકારનું ધ્યાન આત્મનિર્ભર ભારત પર છે અને આગામી 3-4 વર્ષમાં સંરક્ષણ નિકાસ બમણી કરવાનું લક્ષ્ય છે.
