Stock Market Closing: FII દ્વારા ભારે વેચવાલીથી શેરબજારમાં ધ્રુજારી, સેન્સેક્સ 964 પોઈન્ટ ઘટીને બંધ
Stock Market Closing: ગુરુવારે સ્થાનિક શેરબજારમાં જોરદાર ઘટાડો જોવા મળ્યો હતો. ટ્રેડિંગના અંતે બોમ્બે સ્ટોક એક્સચેન્જ (BSE) બેન્ચમાર્ક સેન્સેક્સ 964.15 પોઈન્ટ ઘટીને 79,218.05 પર બંધ થયો હતો. એ જ રીતે નેશનલ સ્ટોક એક્સચેન્જ (NSE) નો નિફ્ટી 247.15 પોઈન્ટ ઘટીને 23,951.70 પર બંધ રહ્યો હતો.
યુએસ ફેડરલ રિઝર્વના નિર્ણયની અસર
ગઈકાલે રાત્રે, યુએસ ફેડરલ રિઝર્વે વ્યાજ દરમાં 0.25 ટકાના કાપની જાહેરાત કરી હતી, પરંતુ 2025માં માત્ર બે ક્વાર્ટર પોઈન્ટના ઘટાડાનું અનુમાન બજારની અપેક્ષાઓ સાથે સુસંગત ન હતું. તેના કારણે વૈશ્વિક બજારોમાં અસંતોષ ફેલાયો હતો અને FII (વિદેશી સંસ્થાકીય રોકાણકારો)એ ભારતીય શેરબજારમાં ભારે વેચાણ કર્યું હતું, જેની અસર સ્થાનિક બજાર પર પડી હતી.
રોકાણકારોને ₹3.7 લાખ કરોડનું નુકસાન
આજના ટ્રેડિંગ સેશનમાં રોકાણકારોના કુલ ₹3.7 લાખ કરોડના નાણાની ખોટ થઈ છે, જેના કારણે રોકાણકારોના મનમાં ચિંતા વધી ગઈ છે. રોકાણકારોના બજારમાંથી નાણાં પાછા ખેંચવાના દબાણને કારણે શેરમાં ભારે વેચવાલી જોવા મળી હતી.
સરકારી પ્રયાસો અને સ્થાનિક અર્થતંત્ર પર અસર
વિશ્લેષકોનું માનવું છે કે આગામી સમયમાં કેન્દ્રીય બેંકની નાણાકીય નીતિઓ અને વૈશ્વિક સ્થિતિની અસર સ્થાનિક બજાર પર પડતી રહેશે, જેના કારણે રોકાણકારોએ સાવચેત રહેવું પડશે.
