Stock Market: નિફ્ટી પેકના આ 50 શેરોમાં થયો સૌથી વધુ ઉછાળો
Stock Market: ભારતીય શેરબજાર મંગળવારે નજીવા વધારા સાથે ખુલ્યું હતું અને શરૂઆતના કારોબારમાં સપાટ દેખાવ જોવા મળ્યો હતો. બોમ્બે સ્ટોક એક્સચેન્જ (BSE) સેન્સેક્સ 167 પોઈન્ટ વધીને 78,707.37 પર ખુલ્યો, પરંતુ ટૂંક સમયમાં 46 પોઈન્ટના નજીવા વધારા સાથે 78,570 પર ટ્રેડ કરવાનું શરૂ કર્યું. સેન્સેક્સના 30 શેરોમાંથી 15 લીલા અને 15 લાલ કલરમાં હતા. નેશનલ સ્ટોક એક્સચેન્જ (NSE) નો નિફ્ટી પણ 2.60 પોઈન્ટના વધારા સાથે 23,756 પર ટ્રેડ થઈ રહ્યો હતો. શરૂઆતના કારોબારમાં નિફ્ટીના 50 શેરોમાંથી 16 લીલા અને 34 લાલ રંગમાં હતા.
નિફ્ટી ટોચના શેરો
નિફ્ટીના 50 શેરોમાં સૌથી વધુ ઉછાળો અદાણી એન્ટરપ્રાઈઝ, બીઈએલ, ભારતી એરટેલ, નેસ્લે ઈન્ડિયા અને ઈન્ફોસીસના શેરમાં નોંધાયો હતો. બીજી તરફ પાવર ગ્રીડ, ટાઇટન, ઇન્ડસઇન્ડ બેન્ક, એચડીએફસી લાઇફ અને સિપ્લાના શેરમાં સૌથી વધુ ઘટાડો જોવા મળ્યો હતો.
ક્ષેત્રીય સૂચકાંક કામગીરી
ક્ષેત્રીય સૂચકાંકોની વાત કરીએ તો, નિફ્ટી ઓટો અને નિફ્ટી આઈટીમાં અનુક્રમે 0.28% અને 0.35% નો વધારો જોવા મળ્યો હતો. નિફ્ટી એફએમસીજી અને નિફ્ટી ઓઈલ એન્ડ ગેસ પણ અનુક્રમે 0.26% અને 0.26% વધ્યા છે. બીજી તરફ, નિફ્ટી મેટલ 0.58% અને નિફ્ટી ફાઇનાન્શિયલ સર્વિસિસ 0.08% ઘટ્યા છે.
નિફ્ટી બેન્ક, નિફ્ટી પ્રાઈવેટ બેન્ક અને નિફ્ટી કન્ઝ્યુમર ડ્યુરેબલ્સ પણ રેડમાં હતા. નિફ્ટી હેલ્થકેર અને નિફ્ટી પીએસયુ બેન્ક જેવા સૂચકાંકોમાં નજીવો વધારો જોવા મળ્યો હતો.
