Stock Market Opening
હિન્દાલ્કો, પાવર ગ્રીડ કોર્પ, બ્રિટાનિયા, શ્રીરામ ફાઇનાન્સ અને ભારતી એરટેલ નિફ્ટીમાં મુખ્ય નફાકારક હતા, જ્યારે બજાજ ઓટો, એચયુએલ, એનટીપીસી, જેએસડબ્લ્યુ સ્ટીલ અને બજાજ ફિનસર્વ ખોટમાં હતા.
સપ્તાહના છેલ્લા ટ્રેડિંગ સેશનમાં પણ બજારનો ઉત્સાહ જોવા મળ્યો હતો, શુક્રવારે બંને મહત્ત્વના સૂચકાંકો રેકોર્ડ હાઈ પર ખૂલ્યા હતા. સવારે 9.15 વાગ્યે બોમ્બે સ્ટોક એક્સચેન્જનો બેન્ચમાર્ક સેન્સેક્સ 73.49 પોઈન્ટના વધારા સાથે 76884.39 પોઈન્ટના સ્તરે ટ્રેડ થતો જોવા મળ્યો હતો. એ જ રીતે નેશનલ સ્ટોક એક્સચેન્જનો નિફ્ટી પણ 29.2 પોઈન્ટ ઉછળીને 23428.10ના સ્તરે ટ્રેડ થઈ રહ્યો હતો. બેન્ક નિફ્ટી ઈન્ડેક્સ 147.25 પોઈન્ટ અથવા 0.30% વધીને 49,993.95 પર ખુલ્યો હતો. હિન્દાલ્કો, પાવર ગ્રીડ કોર્પ, બ્રિટાનિયા, શ્રીરામ ફાઇનાન્સ અને ભારતી એરટેલ નિફ્ટીમાં મુખ્ય નફાકારક હતા, જ્યારે બજાજ ઓટો, એચયુએલ, એનટીપીસી, જેએસડબ્લ્યુ સ્ટીલ અને બજાજ ફિનસર્વ ખોટમાં હતા.
આંતરરાષ્ટ્રીય બજાર વલણો
શુક્રવારે સવારે એશિયા-પેસિફિક ક્ષેત્રના શેરબજારોમાં મિશ્ર પરિણામો જોવા મળી રહ્યા છે. એશિયાનો ડાઉ 0.85% ઉપર છે, જ્યારે જાપાનનો નિક્કી 225 લાલ નિશાનમાં છે, 0.17% નીચે છે. હોંગકોંગનો હેંગસેંગ ઈન્ડેક્સ 0.97% વધ્યો અને બેન્ચમાર્ક ચાઈનીઝ ઈન્ડેક્સ શાંઘાઈ કોમ્પોઝિટ 0.08% નીચામાં ટ્રેડ થયો.
અગાઉ, નેશનલ સ્ટોક એક્સચેન્જ (NSE) પર ઉપલબ્ધ કામચલાઉ ડેટા અનુસાર, વિદેશી સંસ્થાકીય રોકાણકારો (FIIs) એ 13 જૂન, 2024 ના રોજ રૂ. 3,033 કરોડના શેરનું વેચાણ કર્યું હતું, જ્યારે સ્થાનિક સંસ્થાકીય રોકાણકારો (DII) એ રૂ. 553.88 કરોડના શેર ખરીદ્યા હતા. શુક્રવારે સવારે WTI ક્રૂડના ભાવ 0.18% ઘટીને $77.79 પર ટ્રેડ થઈ રહ્યા છે, જ્યારે બ્રેન્ટ ક્રૂડના ભાવ 0.93% ઘટીને $81.98 પર ટ્રેડ થઈ રહ્યા છે.
