Stock Market Record: માર્કેટમાં નવો દિવસ, નવો રેકોર્ડ, નિફ્ટી 25500ની નજીક, સેન્સેક્સ 83300ને પાર, નવી ટોચ.
Stock Market Record: ભારતીય શેરબજારમાં સતત નવા રેકોર્ડ સર્જાઈ રહ્યા છે. આજે ફરી એકવાર નિફ્ટીમાં ઓલ ટાઈમ હાઈ અને સેન્સેક્સમાં પણ રેકોર્ડ હાઈ જોવા મળી છે. સવારે રોકાણકારોને જે નિરાશાનો સામનો કરવો પડ્યો હતો તે હવે ઉત્સાહમાં ફેરવાઈ ગયો છે. નિફ્ટી 25,500ની એકદમ નજીક આવી ગયો છે અને સેન્સેક્સ 83,300ની સપાટીને પાર કરી ગયો છે.
બેન્ક નિફ્ટીની શાનદાર ઉડાનથી બજાર ઉત્સાહિત
બેન્ક નિફ્ટીમાં 496.05 પોઈન્ટ્સ અથવા 0.95 ટકાના શાનદાર વધારા સાથે 52,684.70નું સ્તર જોવામાં આવી રહ્યું છે. હાલમાં બેન્ક નિફ્ટીના 12માંથી 9 શેર વધી રહ્યા છે અને માત્ર 3 શેરો જ ઘટી રહ્યો છે. અગાઉ બેન્ક નિફ્ટીમાં 400થી વધુ પોઈન્ટનો ઉછાળો જોવા મળ્યો હતો અને વેપાર 52630ના સ્તરે હતો. સ્થાનિક શેરબજારમાં તેનું વેઇટેજ ઊંચું છે, જેના સહારે ભારતીય શેરબજારમાં નવી ટોચ સર્જાઈ છે. આજના કારોબારમાં તળિયેથી સારી રિકવરી જોવા મળી છે અને સવારે સેન્સેક્સ-નિફ્ટી લાલ નિશાનમાં ખુલ્યા હતા પરંતુ હવે મોમેન્ટમ પાછી આવી છે.
ભારતીય બજાર સહિત ઘણા શેરબજારો વૈશ્વિક ઘટનાની રાહ જોઈ રહ્યા છે
ફેડના ચેરમેન જેરોમ પોવેલ આજે મોડી રાત સુધીમાં યુએસ ફેડરલ રિઝર્વના નિર્ણયોની જાહેરાત કરશે. એવું અનુમાન કરવામાં આવી રહ્યું છે કે યુએસ ફેડ તેના વ્યાજ દરોમાં ઘટાડો કરી શકે છે, તે જોવાનું બાકી છે કે આ કટ 0.25 ટકા કે 0.50 ટકા રહેશે. આ કારણે વૈશ્વિક બજારોમાં વિદેશી રોકાણકારો સતત સાવચેતીભર્યું વલણ અપનાવી રહ્યા છે ત્યારે ભારતીય બજારોમાં આઈટી શેરોમાં ઘટાડો જોવા મળ્યો છે. જોકે, તેની પાછળ એક્સેન્ચરમાં વેતન ફેરફારનો મુદ્દો મુખ્ય માનવામાં આવે છે.
સેન્સેક્સ અને નિફ્ટીની સ્થિતિ
સેન્સેક્સના 30માંથી 21 શેરોમાં વધારો અને માત્ર 9 શેરોમાં ઘટાડો જોવા મળી રહ્યો છે.
BSE ની માર્કેટ મૂડીમાં કેટલો વધારો થયો?
BSEનું માર્કેટ કેપિટલાઇઝેશન હાલમાં રૂ. 469.54 લાખ કરોડ થયું છે અને BSEના 3916 શેરના વેપારમાં હાલમાં 1754 શેરમાં વધારો જોવા મળી રહ્યો છે. જ્યારે 2001ના શેરમાં ઘટાડો છે અને 161 શેર કોઈપણ ફેરફાર વગર ટ્રેડ થઈ રહ્યા છે.
