Zerodha
આજે ફરી રોકાણકારો ટ્રેડિંગ પ્લેટફોર્મ ઝેરોધામાં ટેકનિકલ સમસ્યાઓનો સામનો કરી રહ્યા છે. Zerodha યુઝર્સ સોશિયલ મીડિયા સાઈટ ‘X’ પર પોતાનો ગુસ્સો ઠાલવી રહ્યા છે. ઘણા યુઝર્સ ફરિયાદ કરી રહ્યા છે કે ઝીરોધાની સ્ક્રીન જામી ગઈ છે.
તમને જણાવી દઈએ કે આ પહેલા પણ 3 જૂને યુઝર્સને લોગ ઈન કરવામાં મુશ્કેલીનો સામનો કરવો પડ્યો હતો, જેના કારણે રોકાણકારોને ભારે નુકસાન સહન કરવું પડ્યું હતું.
આ મહિનામાં બીજી વખત ટેકનિકલ સમસ્યા આવી
ઝેરોધા દેશનું બીજું સૌથી મોટું બ્રોકિંગ પ્લેટફોર્મ છે. ઝેરોધામાં એક મહિનામાં બીજી વખત ટેકનિકલ સમસ્યા જોવા મળી છે. સોમવાર, 3 જૂનના રોજ, જ્યારે શનિવારે એક્ઝિટ પોલ પછી ભારતીય બજારો વધી રહ્યા હતા અને નવી ઊંચાઈને સ્પર્શી રહ્યા હતા, ત્યારે ઝેરોધાની એપ ક્રેશ થઈ ગઈ, ઘણા લોકોએ લોગ-ઈનમાં સમસ્યાઓની જાણ કરી, વેપારીઓએ કહ્યું કે કાઈટ વેબને ઍક્સેસ કરવામાં તેમને મુશ્કેલી થઈ રહી હતી અને કંપનીની વેબસાઈટ પણ ઓફલાઈન હતી.
ઝીરોધામાં આ ટેકનિકલ સમસ્યાથી યુઝર્સ એટલા પરેશાન છે કે એક યુઝરે તેને સ્કેમ પણ ગણાવ્યું. ઘણા યુઝર્સ X પર કહી રહ્યા છે કે તેઓ Zerodhaનું પ્લેટફોર્મ છોડીને બીજે ક્યાંક શિફ્ટ થઈ ગયા છે. યૂઝર્સના વધતા ગુસ્સાને જોઈને Zerodhaએ X પર કહ્યું છે કે હવે કિંમતો અપડેટ કરવામાં આવી રહી છે.
