આઇપીઍલમાં ક્રિસ ગેલે સૌથી ઝડપી ૪૦૦૦ રન પુરા કરી વોર્નરનો રેકોર્ડ તોડ્યો

જયપુર : કિંગ્સ ઇલેવન પંજાબના આક્રમક અોપનર ક્રિસ ગેલે આજે ઇન્ડિયન પ્રીમિયર લીગમાં ૪૦૦૦ રન પુરા કર્યા હતા, તે આ લીગમાં સૌથી ઝડપી ૪૦૦૦ રન પુરા કરનારો ખેલાડી બન્યો હતો. તેની સાથે જ તે આઇપીઍલમાં આ આંકડો પુરો કરનારો ડેવિડ વોર્નર પછી બીજા વિદેશી ખેલાડી બન્યો હતો. સનરાઇઝર્સ હૈદરાબાદનો વોર્નર જ ઍકમાત્ર ઍવો વિદેશી ખેલાડી હતો જેણે આ આંકડો પુરો કર્યો હતો. ગેલ ૪૭ બોલમાં ૮ ચોગ્ગા અને ૪ છગ્ગાની મદદથી ૭૯ રન કર્યા હતા. સાથે જ તેણે મયંક અગ્રવાલ અને સરફરાઝ ખાન સાથે અર્ધશતકીય ભાગીદારીઓ કરી હતી.
ગેલે આઇપીઍલમાં સૌથી ઝડપી ૪૦૦૦ રન પુરા કરનારો ખેલાડી બન્યો હતો. તેણે ૧૧૨ ઇનિંગમાં આ આંકડો પુરો કર્યો હતો. આ પહેલા ડેવિડ વોર્નર ૧૧૪ ઇનિંગમાં ૪૦૦૦ રન પુરા કરી ચુકયો હતો. વિરાટ કોહલી ૧૨૮ ઇનિંગમાં આ આંકડો પુરો કરી ચુકયો છે.