પ્રધાનમંત્રી જન આરોગ્ય યોજનાની અસરકારકતા: મહેશભાઈ બાગુલને કેન્સરની મફત સારવારથી મળ્યું નવજીવન

લાખો રૂપિયાનો સારવાર ખર્ચ બચ્યો: આયુષ્માન કાર્ડથી ડાંગ જિલ્લાના દર્દીને મળ્યો મોટો લાભ

ડાંગ જિલ્લાના આહવા તાલુકાના ભિસ્યા ગામના ૪૦ વર્ષીય યુવાન મહેશભાઇ બાગુલ માટે પ્રધાનમંત્રી જન આરોગ્ય યોજના (PM-JAY) જીવનદાન આપનારી સાબિત થઈ છે. અચાનક પેટના દુખાવાની સમસ્યા બાદ નિદાન કરાવતા તેમને કિડનીનું કેન્સર હોવાનું જાણવા મળ્યું હતું. સામાન્ય પરિવાર માટે કેન્સર જેવી મોંઘી સારવાર આર્થિક રીતે અશક્ય હતી, પરંતુ આયુષ્માન કાર્ડના સહારે તેઓ આજે સંપૂર્ણ સ્વસ્થ છે.

આયુષ્માન કાર્ડ: ગરીબ પરિવારોનું સુરક્ષા કવચ

મહેશભાઇએ સુરતની હોસ્પિટલમાં પોતાની સારવાર કરાવી, જ્યાં સર્જરી અને દવાઓનો રૂ. ૭૫,૦૦૦થી વધુનો ખર્ચ આયુષ્માન કાર્ડ અંતર્ગત સરકારે ભોગવ્યો હતો. આ યોજના ગરીબ અને મધ્યમ વર્ગીય પરિવારોને વાર્ષિક રૂ. ૫ લાખ સુધીની કેશલેસ સારવારની સુવિધા આપે છે.

કેન્સરની સારવારમાં યોજનાનું મહત્વ

કેન્સરના દર્દીઓ માટે આ યોજના એક આશાનું કિરણ છે કારણ કે તેમાં ગંભીર બીમારીઓના જટિલ પેકેજનો સમાવેશ થાય છે:

• સર્જિકલ ઓન્કોલોજી: કેન્સરની ગાંઠ કાઢવા માટેની સર્જરી.

• મેડિકલ ઓન્કોલોજી: કીમોથેરાપી અને અન્ય દવાઓ દ્વારા સારવાર.

• રેડિયેશન ઓન્કોલોજી: રેડિયેશન થેરાપી દ્વારા કેન્સરના કોષોનો નાશ.

ડાંગ જિલ્લામાં યોજનાની સફળતા

ડાંગ જિલ્લા વહીવટી તંત્રના પ્રયાસોથી અત્યાર સુધીમાં ૧.૪૮ લાખથી વધુ લોકોએ આયુષ્માન કાર્ડ કઢાવ્યા છે. આંકડાકીય વિગતો મુજબ:

ડાંગ જિલ્લામાં વિશ્વ ક્ષય દિવસ નિમિત્તે ૪૫ ગ્રામ પંચાયતોને ટીબી મુક્ત સન્માન

ડાંગના સુબીર તાલુકાના ઘાણીઆંબા ગામમાં પ્રાકૃતિક ખેતી તાલીમ

• કુલ લાભાર્થી લક્ષ્યાંક: ૨,૩૮,૬૭૦

• કાર્ડ ધારકો: ૧,૪૮,૦૨૭ થી વધુ

• લાભ મેળવનાર દર્દીઓ: ૪,૮૮૭ લાભાર્થીઓ

• કુલ સારવાર ખર્ચ (સરકાર દ્વારા): રૂ. ૧૧.૨૫ કરોડ

મહેશભાઇએ પોતાના અનુભવના આધારે જિલ્લાના તમામ નાગરિકોને આગ્રહ કર્યો છે કે, બીમારી ક્યારેય કહીને આવતી નથી, તેથી દરેક પરિવારે આયુષ્માન કાર્ડ કઢાવી લેવું જોઈએ જેથી મુશ્કેલીના સમયે આર્થિક ચિંતા વગર શ્રેષ્ઠ સારવાર મેળવી શકાય.