જો તમને તમારા રાંધણ ગેસના ડિસ્ટ્રીબ્યૂટરની સર્વિસ પસંદ ન હોય તો તમે પોતાની રીતે ડિસ્ટ્રીબ્યૂટરની પસંદગી કરી શકશો. એટલે કે હવે LPGનો ઉપયોગ કરનારા ગ્રાહકો જાતે જ એ નક્કી કરી શકશે કે તેમને ક્યાં ડિસ્ટ્રીબ્યુટર પાસેથી ગેસ રિફિલ કરાવવાનો છે. એટલે કે તેમણે પોતાની પસંદગીના ડિસ્ટ્રીબ્યુટરની પસંદગી કરવાનો વિકલ્પ મળશે. આ સુવિધાને રિફિલ બુકિંગ પોર્ટેબિલિટી નામ આપવામાં આવ્યું છે અને દેશના પસંદગીના શહેરોમાં પાયલટ પ્રોજેક્ટ સ્વરૂપમાં આગામી સપ્તાહમાં શરૂ થઈ શકે છે.શું છે સંપૂર્ણ યોજના, તેનાથી તમને શું ફાયદો મળશે? કેવી રીતે તમે ઘરે બેઠા તમારા ડિસ્ટ્રીબ્યુટર બદલી શકો છો?
તમારા શહેરમાં આ યોજના લાગૂ થયા બાદ જ્યારે તમે નવા સિલેન્ડર બુક કરાવશો તો તમારી પાસે ડિસ્ટ્રીબ્યુટર પસંદ કરવાનો વિકલ્પ રહેશે. તમારા વિસ્તારમાં જે પણ ડિસ્ટ્રીબ્યુટર છે તે તમામની યાદી તમને દેખાશે. તમે ડિસ્ટ્રીબ્યુટરનું રેટિંગ અને અન્ય સુવિધાઓ જોઈને ડિસ્ટ્રીબ્યુટર પસંદ કરી શકો છો. તમે પસંદ કરેલા ડિસ્ટ્રીબ્યુટર દ્વારા જ તમને સિલેન્ડરની ડિલીવરી કરવામાં આવશે.
ડિસ્ટ્રીબ્યુટર પસંદ કરવાની રીત
- તમે www.mylpg.in વેબસાઈટ પર જઈ તમારા LPG આઈડીથી લોગઈન કરી શકશો.
- લોગીન કર્યાં બાદ તમે અગાઉથી રજિસ્ટર્ડ નથી તો રજિસ્ટ્રેશન કરાવવું.
- અહીં તમને તમારા વિસ્તાર પ્રમાણે ડિસ્ટ્રીબ્યુટરની માહિતી મળશે.
- ડિસ્ટ્રીબ્યુટર પસંદ કર્યાં બાદ તમને એક મેઈલ પર કન્ફર્મેશન માટે એક ફોર્મ મોકલવામાં આવશે.
- તમે ડિસ્ટ્રીબ્યુટર બદલી રહ્યા છો અથવા જાણકારી તમારા વર્તમાન ડિસ્ટ્રીબ્યુટરને મોકલવામાં આવશે.
- વર્તમાન ડિસ્ટ્રીબ્યુટર 3 દિવસમાં ફોન પર તમારા ડિસ્ટ્રીબ્યુટર ન બદલવા માટે તમને વિનંતી કરી શકે છે.
- જો તમે વર્તમાન ડિસ્ટ્રીબ્યુટર સાથે જ રહેવા ઈચ્છો છો તો ડિસ્ટ્રીબ્યુટર પાસે તમારી રિક્વેસ્ટ કેન્સલ કરવાનો ઓપ્શન રહેશે.
- જો તમે વર્તમાન ડિસ્ટ્રીબ્યુટર બદલવા ઈચ્છો છો તો ફોન પર વર્તમાન ડિસ્ટ્રીબ્યુટરને આ માટે કહી શકો છો. તે તાત્કાલિક તમારું કનેક્શન નવા ડિસ્ટ્રીબ્યુટરને ટ્રાન્સફર કરી દેશે.
- જો વર્તમાન ડિસ્ટ્રીબ્યુટર 3 દિવસમાં તમારું કનેક્શન ટ્રાન્સફર કરતો નથી તો ચોથા દિવસે તમારું કનેક્શન નવા ડિસ્ટ્રીબ્યુટરને આપમેળે જ ટ્રાન્સફર થઈ જશે.
- તમારે તમારા સિલેન્ડર અને અન્ય સામગ્રીઓને જમા કરવાની જરૂર પડશે નહીં. તમારે ડિસ્ટ્રીબ્યુટર પાસે જવાની પણ જરૂર રહેશે નહીં. આ સંપૂર્ણ પ્રક્રિયા ઓનલાઈન હશે.
- આ સંપૂર્ણ પ્રોસેસ માટે તમારે રજિસ્ટ્રેશન ફી, સિક્યોરિટી ડિપોઝીટ અથવા કોઈ જ પ્રકારનો ચોર્જ લાગુ થશે નહીં.
