નવી દિલ્હીઃ વૈશ્વિક બજારમાં ક્રૂડ ઓઇલના ભાવ વધવાથી ભારતમાં ઇંધણના ભાવ સતત વધી રહ્યા છે. આ ફરી પેટ્રોલ-ડીઝલના ભાવમાં ભડકો થયો છે. સરકારી ઓઇલ કંપનીઓએ આજે પેટ્રોલના ભાવમાં 15 પૈસા અને ડીઝલના ભાવમાં 23 પૈસાનો પ્રતિ લિટર વધારો કર્યો છે. આજના ભાવવધારા સાથે દેશની રાજધાની દિલ્હીમાં આ પેટ્રોલની કિંમતી પ્રતિ લિટર દીઠ વધે 82.49 રૂપિયા અને ડીઝલની 72.65 રૂપિયા થઇ ગઇ છે.
ઉલ્લેખનિય છે કે, અગાઉ 48 દિવસ સુધી એકદમ સ્થિર રહેલા ઇંધણના ભાવમાં છેલ્લા 13 દિવસથી હલચલ જોવા મળી રહી છે. છેલ્લા 13 દિવસમાં દિલ્હી ખાતે પેટ્રોલના ભાવ 1.65 રૂપિયા પ્રતિલિટર વધ્યા છે.
વિવિધ શહેરોમાં પેટ્રોલ-ડીઝલના આજના લેટેસ્ટ રેટ
| શહેરના નામ | પેટ્રોલ / પ્રતિ લિટર | ડીઝલ / પ્રતિ લિટર |
| દિલ્હી | 82.49 | 72.65 |
| મુંબઇ | 89.16 | 79.22 |
| ચેન્નઇ | 85.44 | 78.06 |
| કલકત્તા | 84.02 | 76.22 |
| નોઇડા | 82.74 | 73.06 |
| રાંચી | 81.86 | 76.90 |
| બેંગ્લોર | 85.25 | 77.01 |
| પટના | 85.07 | 78.00 |
| ચંડીગઢ | 79.42 | 72.40 |
| લખનઉ | 82.65 | 72.98 |
સિંગાપુર ખાતે આજે ટ્રેડિંગની શરૂઆતના સમયમાં ડબ્લ્યુટીઆઇ ક્રૂડના ભાવમાં નરમાઇ જોવા મળી હતી. તે 0.49 ડોલર ઘટીને 44.06 ડોલર પ્રતિ બેરલ બોલાયો હતો. તો બ્રેન્ટ ક્રૂડ ઓઇલના ભાવ ફણ 0.46 ડોલર ઘટ્યા હતા અને તેનો ભાવ 47.42 ડોલર પ્રતિ બેરલ બોલાઇ રહ્યો હતો..
