કોરોનાના નવા છ લક્ષણો – જે ધ્યાનમાં આવ્યા છે પરંતુ આપણે ત્યાં કોઇને ખબર નથી…

ગાંધીનગર — કોરોના વાયરસના શરૂઆતી લક્ષણમાં સૂકી ખાંસી, તાવ અને શ્વાસને લગતી સમસ્યા હોવાનું જણાવવામાં આવ્યું હતુ. પરંતુ હવે આ બીમારીના બીજા નવા લક્ષણ પણ સામે આવ્યા છે. અમેરિકાના સેન્ટર્સ ફૉર ડિસીઝ એન્ડ પ્રીવેન્શન એ છ નવા લક્ષણ જાહેર કર્યા છે.

સીડીસી અનુસાર કોરોના વાયરસના ત્રણ પ્રમુખ લક્ષણ ઉપરાંત પણ કેટલાય એવા લક્ષણ છે જેને અત્યારસુધી નજરઅંદાજ કરવામાં આવી રહ્યા છે. વૈજ્ઞાનિકોનો દાવો છે કે આ છ લક્ષણ 2 થી 14 દિવસની અંદર જોવા મળી શકે છે.

1. કોરોના વાયરસમાં દર્દીને ઠંડી લાગે છે. જેમ તમને સામાન્ય ઇન્ફેક્શન થાય અને શરદી થાય છે તેમ આ બીમારીમાં પણ ઠંડી લાગે છે.
2. કોરોના પૉઝિટિવ દર્દીને ઠંડી સાથે શરીરમાં કંપારી અથવા શરીરના જકડાઇ જવા જેવા લક્ષણ પણ જોવા મળી રહ્યા છે.
3. સાંધાનો દુખાવો પણ કોરોના નવા લક્ષણોમાં સામેલ છે. ઉલ્લેખનીય છે કે આ પહેલા પણ કેટલાય એક્સપર્ટ સાંધામાં દુખાવાની સમસ્યા વિશે જણાવી ચુક્યા છે.
4. સખત માથું દુખવું તે પણ કોરોના સંક્રમિત વ્યક્તિનું લક્ષણ હોવાનું જાણવા મળ્યું છે. ચીન અને અમેરિકામાં કેટલાય કોરોના પૉઝિટિવ દર્દીઓમાં માથા દુખાવાનું લક્ષણ જોવા મળ્યું હતું.
5. કોરોના સંક્રમિત વ્યક્તિને ગળામાં ખરાશ થવાની સમસ્યા ઉદ્દભવી શકે છે. અત્યાર સુધી દર્દીના ગળામાં દુખાવો અને સોજો આવવો જેવા લક્ષણો વિશે જણાવવામાં આવી રહ્યું હતું.
6. કોરોનાનો દર્દી જીભથી કોઇ પણ સ્વાદને ઓળખી શકતો નથી. કેટલાય દેશમાં કોરોના પૉઝિટિવ લોકો સ્વાદ પારખવાની શક્તિ ગુમાવી ચૂક્યા છે.