NAVરાત્રિ: ગ્રહ-નક્ષત્રોની શુભ સ્થિતિના કારણે દરરોજ શુભ યોગ બની રહ્યા છે

13 એપ્રિલ એટલે આજથી ચૈત્ર નોરતા શરૂ થઇ ગયા છે. આજે ઘટ સ્થાપના સાથે નવ દેવીઓની પૂજા શરૂ થઇ જશે. આ વખતે નવરાત્રિમાં તિથિઓની વધ-ઘટ ન થવાથી 21 એપ્રિલના રોજ રામનોમ પર્વ ઊજવવામાં આવશે. આ નોરતામાં ગ્રહ-નક્ષત્રોની શુભ સ્થિતિના કારણે દરરોજ શુભ યોગ બની રહ્યા છે. આ કારણે નોરતામાં ખરીદદારી માટે દરરોજ મુહૂર્ત રહેશે. માન્યતા છે કે દેવીના આ નવ દિવસો દરમિયાન કરવામાં આવતી ખરીદદારીથી સમૃદ્ધિ અને સુખ વધે છે. મોટાભાગે નોરતામાં પ્રોપર્ટી અને વાહનોની ખરીદદારી અને વેચાણ શુભ માનવામાં આવે છે. આ નોરતામાં તિથિ, વાર અને નક્ષત્રો મળીને 2 સર્વાર્થસિદ્ધિ, 1-1 અમૃતસિદ્ધિ અને પુષ્યામૃત યોગ સાથે જ 3 રવિયોગ પણ બનશે તેની સાથે જ આયુષ્માન, સૌભાગ્ય અને મહાલક્ષ્મી યોગ પણ રહેશે.