60 અને 70ના દાયકાની લોકપ્રિય અભિનેત્રીઓમાંની એક મુમતાઝની સુંદરતાની આજે પણ ફિલ્મ ઈન્ડસ્ટ્રીમાં ચર્ચા થાય છે. મુમતાઝની ગણતરી તેના જમાનાની સુપરહિટ અભિનેત્રીઓમાં થાય છે. 31 જુલાઈ 1947ના રોજ મુંબઈમાં જન્મેલી મુમતાઝ આજે પોતાનો 75મો જન્મદિવસ મનાવી રહી છે. મોટી આંખો, ગોરો રંગ અને અભિનયની કળાથી મુમતાઝે દરેક પર પોતાનો જાદુ ફેલાવી દીધો હતો. જ્યારે પણ મુમતાઝ પોતાની શરમાળ શૈલી, નખરાં અને તોફાની શૈલી સાથે મોટા પડદા પર આવતી ત્યારે દર્શકો તેના દિવાના થઈ જતા. તે પોતાના જમાનાની એવી અભિનેત્રી હતી, જેની સુંદરતા પર આખું ભારત મરતું હતું. તેણીની સુંદરતા માત્ર દર્શકોને જ નહીં પરંતુ ઇન્ડસ્ટ્રીના ઘણા મોટા સુપરસ્ટાર્સને પણ પસંદ પડી હતી. આ પૈકી એક એવા અભિનેતા કે જેઓ મુમતાઝ કરતા 20 વર્ષ મોટા હતા અને મુમતાઝ ને પોતાના જીવ કરતા પણ કરતા હતા વધુ પ્રેમ.
જોકે, આ બંનેની પ્રેમ કહાની અધૂરી રહી.
અમે વાત કરી રહ્યા છીએ શમ્મી કપૂર વિશે, તો ચાલો આ ખાસ અવસરે જાણીએ તે જમાનાની રસપ્રદ કહાની.
બોલિવૂડના દિગ્ગજ અભિનેતા શમ્મી કપૂર અને મુમતાઝ પર ફિલ્માવાયેલું પ્રખ્યાત ગીત ‘આજકલ તેરે મેરે પ્યાર કે ચર્ચા’ આજે પણ લોકોની જીભ પર જીવે છે. તે સમયે બંનેની ઓનસ્ક્રીન કેમેસ્ટ્રીએ દર્શકોના દિલ જીતી લીધા હતા અને આ સાથે આ જોડી દર્શકોની ફેવરિટ જોડીમાંની એક બની ગઈ હતી. આ ગીત બોલિવૂડની હિટ ફિલ્મ ‘બ્રહ્મચારી’નું હતું. ‘બ્રહ્મચારી’ પહેલી અને એકમાત્ર ફિલ્મ હતી જેમાં શમ્મી કપૂરે મુમતાઝ સાથે કામ કર્યું હતું. આ ફિલ્મમાં સાથે કામ કરતી વખતે જ શમ્મી કપૂર મુમતાઝની સુંદરતાથી પ્રભાવિત થયા હતા.
આ ફિલ્મના શૂટિંગ દરમિયાન જ મુમતાઝે શમ્મી કપૂરને કહ્યું હતું કે તે તેના પ્રેમમાં છે. એટલું જ નહીં, શમ્મી મુમતાઝનો પહેલો ક્રશ હતો. જ્યારે શમ્મીને મુમતાઝના દિલની આ વાત ખબર પડી ત્યારે તેઓને તે ખૂબ જ ગમ્યું અને તેનો ઝુકાવ પણ મુમતાઝ તરફ વધતો ગયો. ફિલ્મના શૂટિંગ દરમિયાન નજીક આવેલા બંનેની લવસ્ટોરી દરેકની જીભ પર હતી. બંનેની લવસ્ટોરીએ બોલિવૂડના કોરિડોરમાં ઘણી ચર્ચાઓ કરી હતી. બંને વચ્ચેની ઉંમરનું 20 વર્ષનું મોટું અંતર પણ તેમના વચ્ચેના પ્રેમને ક્યારેય ઘટાડી શક્યું નહીં. આ ફિલ્મમાં સાથે કામ કરતી વખતે શમ્મી મુમતાઝની ખૂબ નજીક આવી ગયો હતો.
મુમતાઝ અને શમ્મી કપૂર વચ્ચેનો પ્રેમ ખીલ્યો હતો. ઘણા વર્ષો સુધી રિલેશનશિપમાં રહ્યા બાદ એક દિવસ અભિનેત્રીને લગ્નનો પ્રસ્તાવ મૂકતા શમ્મીએ એક શરત મૂકી કે લગ્ન કરવા તૈયાર છે પણ લગ્ન બાદ તે ફિલ્મોમાં કામ નહીં કરે.
તે સમયે મુમતાઝની ઉંમર 17 વર્ષની હતી અને તે બોલિવૂડમાં પોતાની ઓળખ બનાવવા માટે સંઘર્ષ કરી રહી હતી. શમ્મીનો આ શરતી પ્રસ્તાવ સાંભળીને મુમતાઝ સ્તબ્ધ થઈ ગઈ. શમ્મીની જીદ સાંભળીને મુમતાઝે તેની સાથે લગ્ન કરવાની ના પાડી દીધી. શમ્મી તેમના કરતા વીસ વર્ષ મોટા હતા અને એક સફળ કલાકાર પણ હતા, પરંતુ મુમતાઝ માત્ર 17 વર્ષની હતી અને લાંબી કારકિર્દી નો સવાલ હતો.
આ પછી શમ્મીનું દિલ તૂટી ગયું. આ પછી તેણે કોઈ હિરોઈન સાથે લગ્ન નહીં કરવાનો નિર્ણય લીધો અને નીલા દેવી સાથે લગ્ન કર્યા.
1974માં મુમતાઝે પણ મયુર માધવાણી સાથે લગ્ન કર્યા હતા.
આમ,બન્ને ની લવ સ્ટોરી નો અહીં અંત આવ્યો હતો.
