Badass Ravi Kumar: રિલીઝ પહેલાં જ હિમેશ રેશમિયાની મોટી સફળતા… બનવા જઈ રહ્યો છે નવો રેકોર્ડ!
Badass Ravi Kumar: 7 ફેબ્રુઆરીએ બે ફિલ્મો સિનેમાઘરોમાં રિલીઝ થવાની છે – એક છે જુનૈદ ખાન અને ખુશી કપૂર અભિનીત ‘લવયાપા’, અને બીજી છે હિમેશ રેશમિયાની ‘બેડ એસ રવિ કુમાર’. બંને ફિલ્મો એક જ દિવસે રિલીઝ થઈ રહી હોવા છતાં, એડવાન્સ બુકિંગમાં હિમેશની ફિલ્મને જોરદાર પ્રતિસાદ મળ્યો છે.
ફિલ્મના ટ્રેલર લોંચ પછીથી જ બહુ મોટી હાઇપ બની છે, અને તેને 82 મિલિયનથી વધુ લોકો જોઈ ચૂક્યા છે. સાથે જ, ફિલ્મના પાંચ ગીતો રિલીઝ થઈ ચૂક્યા છે, જેમાંથી પહેલું ગીત YouTube પર 80 મિલિયનથી વધુ વિયૂઝ મેળવી ચૂક્યું છે. આના કારણે ફિલ્મની એડવાન્સ બુકિંગ પણ ખુબ જ જોર પકડી રહી છે, અને અત્યાર સુધી PVR INOX અને Cinepolis જેવી પ્રમુખ સિને ચેનલ્સ પર 4000 ટિકિટ્સ વેચાઈ ગઈ છે.
આ સફળતાને જોઈને, ફિલ્મના નિર્માતાઓએ 7 થી 9 ફેબ્રુઆરી સુધી ટિકિટના ભાવ ઘટાડવાનો નિર્ણય લીધો છે, જેથી વધુ લોકો ફિલ્મ જોવા માટે થિયેટરમાં જઈ શકે. અહેવાલો અનુસાર, બડાસ રવિ કુમાર પહેલા દિવસે 5 કરોડ રૂપિયા કલેક્શન કરી શકે છે, જે હિમેશ રેશમિયાની સૌથી મોટી ઓપનિંગ ફિલ્મ બની શકે છે.
હિમેશ રેશમિયાની અગાઉની ફિલ્મોના પહેલા દિવસના કલેક્શન સાથે સરખામણી કરીએ તો, તેમની કેટલીક મહત્વપૂર્ણ ફિલ્મોએ પહેલો દિવસ નીચેના કલેક્શન કર્યા હતા:
- દ એક્સપોઝ – 2.50 કરોડ રૂપિયા
- કર્જ – 2.05 કરોડ રૂપિયા
- આપ કા સુરૂર – 1.8 કરોડ રૂપિયા
- તેરા સુરૂર – 1.79 કરોડ રૂપિયા
આમ, બેડ્સ રવિ કુમારનું 5 કરોડ રૂપિયાનું બોક્સ ઓફિસ કલેક્શન હિમેશ માટે એક મોટું સીમાચિહ્નરૂપ બની શકે છે, ખાસ કરીને આમિર ખાનની ‘લવયાપા’ સાથેની ટક્કરને ધ્યાનમાં લેતા. જોકે, ફિલ્મના ટ્રેલર અને ગીતોને મળેલા જબરદસ્ત પ્રતિસાદથી એવું લાગે છે કે હિમેશની ફિલ્મ રિલીઝ પહેલા જ મોટી સફળતા મેળવી ચૂકી છે.
