Bhool Chuk Maaf: રાજકુમાર રાવ અને વામિકા ગબ્બી અભિનિત કોમેડી ડ્રામા ‘ભૂલ ચૂક માફ’ આજે 23 મેના રોજ સિનેમાઘરોમાં રિલીઝ થઈ છે.
પહેલા ટીઝર અને ટ્રેલરથી જ આ ફિલ્મને લઈને દર્શકોમાં ઉત્સાહ જોવા મળ્યો હતો. હવે, ફિલ્મના ઓપનિંગ ડે કલેક્શનનો આંકડો સામે આવ્યો છે – અને તે આશ્ચર્યજનક રીતે આશાજનક છે.
જ્યારે થિયેટરોમાં ‘મિશન ઈમ્પોસિબલ’, ‘રેડ 2’ અને ‘ફાઇનલ ડેસ્ટિનેશન’ જેવી મોટી હોલીવૂડ ફિલ્મો સ્ક્રીન્સ પર છે, ત્યારે ‘ભૂલ ચૂક માફ’એ સ્પર્ધા વચ્ચે પણ પોતાનું સ્થાન બનાવી લીધું છે.
ઓપનિંગ ડે કલેક્શન: 1.83 કરોડ (પ્રારંભિક આંકડા)
ટ્રેડ વિશ્લેષકના મતે, ‘ભૂલ ચૂક માફ’એ બપોરે 3:25 વાગ્યા સુધીમાં અંદાજે ₹1.83 કરોડની કમાણી કરી છે. આ આંકડો પ્રારંભિક છે અને દિવસના અંત સુધીમાં તેમાં વધારો થઈ શકે છે.
વિવાદો વચ્ચે થિયેટર રિલીઝ
ફિલ્મ શરૂઆતમાં સીધી OTT પર રિલીઝ થવાની હતી, ખાસ કરીને “ઓપરેશન સિંદૂર” બાદ ભારત-પાકિસ્તાન વચ્ચેના તણાવને કારણે. જોકે વિવાદોની વચ્ચે નિર્માતાઓએ હવે થિયેટર રિલીઝનો માર્ગ અપનાવ્યો છે – અને પરિણામ રૂપે, ફિલ્મે સારી ઓપનિંગ મેળવી છે.
રાજકુમાર રાવના ટોપ ઓપનર્સમાં સ્થાન મેળવી શકે છે?
રાજકુમાર રાવના અત્યાર સુધીના ટોપ ઓપનિંગ ફિલ્મ્સમાં ‘સ્ત્રી 2’ (₹64.80Cr), ‘મિસ્ટર એન્ડ મિસિસ માહી’ (₹6.85Cr), ‘સ્ત્રી’ (₹6.83Cr), ‘વિક્કી વિદ્યા વીડિયો’ (₹5.81Cr) અને ‘જજમેન્ટલ હૈ ક્યા’ (₹5.40Cr) સામેલ છે.
‘ભૂલ ચૂક માફ’ જો રૂ. 5.41 કરોડથી વધુ કમાય છે તો તે આ યાદીમાં સ્થાન બનાવી શકે છે. જો કે હવે બીજા દિવસ અને વિકએન્ડની કમાણી નિર્ભર રહેશે ફિલ્મની કુલ સફળતા પર.
