Sardar Ji 3 Controversy: મીકા સિંહે દિલજીત દોસાંઝને ‘નકલી ગાયક’ કહી દેશપ્રેમની માગણી કરી
Sardar Ji 3 Controversy: પંજાબી ફિલ્મ ‘સરદાર જી 3’માં પાકિસ્તાની અભિનેત્રી હાનિયા આમિરને કાસ્ટ કરવાના કારણે વિવાદમાં ફસાયેલા દિલજીત દોસાંઝને હવે પંજાબી ગાયક મીકા સિંહે ‘નકલી ગાયક’ ગણાવ્યા છે. મીકા સિંહે ઈન્સ્ટાગ્રામ પર પોસ્ટ કરીને જણાવ્યું કે દેશની ગરિમા પહેલા આવે છે અને આવા પગલાં ન લેવાના જોઈએ.
દિલજીત દોસાંઝને માત્ર સામાન્ય લોકો જ નહીં, પરંતુ સેલેબ્સ અને રાજકારણીઓ પણ આ મુદ્દે ટ્રોલ કરી રહ્યા છે. ‘સરદાર જી 3’ ભારતમાં રિલીઝ નહીં થાય તેવુ નિર્ણય કરવામાં આવ્યો છે અને તે વિદેશમાં 27 જૂને રિલીઝ થવા જઈ રહી છે.
મીકા સિંહે કહ્યું, “ભારત-પાકિસ્તાન સંબંધો હાલ નાજુક છે. આવી પરિસ્થિતિમાં પરસીના કલાકારો સાથે જોડાયેલી ફિલ્મો રિલીઝ કરવી યોગ્ય નથી.” તેઓએ દલીલ કરી કે ભારતીય કલાકારોને પોતાનું દેશપ્રેમ આગળ રાખવું જોઈએ.
બી પ્રાકે પણ દિલજીત દોસાંઝને ટાર્ગેટ કરીને એક રહસ્યમય પોસ્ટ કરીને પોતાનો ગુસ્સો વ્યક્ત કર્યો છે.
દિલજીત દોસાંઝે એક ઈન્ટરવ્યૂમાં જણાવ્યું કે આ ફિલ્મનું શૂટિંગ પહેલા પગલગામ હુમલા પહેલા થઈ ગયું હતું અને પરિસ્થિતિ બદલાઈ ગઈ છે, પરંતુ પ્રોડ્યુસર્સે પૈસા રોકાણ કર્યા હોવાથી ફિલ્મને વિદેશમાં રિલીઝ કરવાનો નિર્ણય કર્યો છે. તેમણે કહ્યું કે તેમણે ફિલ્મ પ્રમોશન માટે જ મૌન તોડ્યું છે અને તેઓની પાસે કોઈ વિકલ્પ નથી.
દિલજીત દોસાંઝ ‘સરદાર જી 3’માં અભિનેતા ઉપરાંત સહ-નિર્માતા પણ છે. આ ફિલ્મ અમર હુંડલ દ્વારા નિર્દેશિત છે.
