Nirmal Kapoorનું નિધન, કપૂર પરિવાર અને ફિલ્મી હસ્તીઓ અંતિમ સંસ્કારમાં રહી હાજર
Nirmal Kapoor: બોલિવૂડના પ્રખ્યાત કપૂર પરિવારના માતૃશ્રી નિર્મલ કપૂરનું શુક્રવારે (2 મે) 90 વર્ષની વયે અવસાન થયું. તેઓ લાંબા સમયથી ઉંમર સંબંધિત બીમારીઓથી પીડાતા હતા અને કોકિલાબેન ધીરુભાઈ અંબાણી હોસ્પિટલમાં તેમણે અંતિમ શ્વાસ લીધા. તેમના અંતિમ સંસ્કાર શનિવાર, ૩ મેના રોજ સવારે લગભગ ૧૧:૩૦ વાગ્યે વિલે પાર્લે સ્મશાનગૃહમાં થયા.
કપૂર પરિવાર અને બોલિવૂડ સ્ટાર્સ અંતિમ સંસ્કારમાં પહોંચ્યા
નિર્મલ કપૂરના નિધન બાદ તેમના પુત્રો બોની કપૂર, અનિલ કપૂર અને સંજય કપૂર ખૂબ જ દુઃખી હતા. તેમની સાથે, પૌત્રો સોનમ કપૂર, અર્જુન કપૂર, રિયા કપૂર, અંશુલા કપૂર, શનાયા કપૂર અને જહાન કપૂર પણ અંતિમ વિદાય આપતી વખતે ભાવુક જોવા મળ્યા. જાહ્નવી કપૂર અને તેની બહેન ખુશી કપૂર પણ તેમની દાદીના અંતિમ દર્શન કરવા આવ્યા હતા અને આ સમય દરમિયાન તેઓ ખૂબ જ ભાવુક દેખાતા હતા.
View this post on Instagram
શ્રદ્ધાંજલિ આપવા માટે ઘણા બોલિવૂડ સ્ટાર્સ પણ પહોંચ્યા
નિર્મલ કપૂરને અંતિમ શ્રદ્ધાંજલિ આપવા માટે અનુપમ ખેર જેવા પ્રખ્યાત બોલિવૂડ સ્ટાર્સ પણ હાજર રહ્યા હતા. તેમના મૃતદેહને ફૂલોથી શણગારેલી એમ્બ્યુલન્સમાં સ્મશાનગૃહ લઈ જવામાં આવ્યો હતો, અને સોશિયલ મીડિયા પર ઘણા હૃદયદ્રાવક ફોટા અને વીડિયો વાયરલ થઈ રહ્યા છે.
View this post on Instagram
નિર્મલ કપૂર વિશે
નિર્મલ કપૂર સ્વર્ગસ્થ ફિલ્મ નિર્માતા સુરિન્દર કપૂરના પત્ની અને ફિલ્મ નિર્માતા બોની કપૂર, અભિનેતા અનિલ કપૂર અને નિર્માતા સંજય કપૂરના માતા હતા. આ સિવાય તે અર્જુન કપૂર, સોનમ કપૂર, રિયા કપૂર, હર્ષવર્ધન કપૂર, જ્હાનવી કપૂર, અંશુલા કપૂર, ખુશી કપૂર અને મોહિત મારવાહ જેવી સેલિબ્રિટીની દાદી પણ હતી.
નિર્મલ કપૂરે ગયા વર્ષે તેમના જીવનના 90 વર્ષ પૂર્ણ કર્યા, અને હવે તેમનું નિધન પરિવાર અને ફિલ્મ ઉદ્યોગ માટે એક ન ભરવાપાત્ર નુકસાન છે.
