Shilpa Shettyનો વિદેશી છોકરી સાથે ઝઘડો? રાજ કુન્દ્રાએ આપી સ્પષ્ટતા, કહ્યું – “મારા માતા-પિતા સાથે…”
Shilpa Shetty: ૮ જૂનના રોજ શિલ્પા શેટ્ટીએ પોતાના ૫૦મા જન્મદિવસની ઉજવણી પરિવાર સાથે ક્રોએશિયામાં કરી હતી. આ પ્રસંગને લઈને સોશિયલ મીડિયા પર એક વીડિયો વાયરલ થયો હતો, જેમાં શિલ્પા શેટ્ટી એક વિદેશી છોકરી સાથે દલીલ કરતી દેખાઈ રહી છે. આ વીડિયોની સામે આવી વિવાદાસ્પદ ઘટનાએ ચાહકો અને નેટિઝન્સમાં ચર્ચા ઉભી કરી.
વિડિયો સાથે જોડાયેલી માહિતી અનુસાર, શિલ્પા શેટ્ટી રેસ્ટોરન્ટમાં ઉભી હતી અને ત્યાં ટેબલ સંબંધી વિવાદ થયો હતો. પરંતુ આ મામલે શિલ્પાના પતિ રાજ કુન્દ્રાએ હિન્દુસ્તાન ટાઈમ્સ સાથે વાતચીતમાં સ્પષ્ટતા આપી છે. રાજે જણાવ્યું કે, “અમારા માટે તે દિવસ ખાસ હતો અને અમે પહેલેથી જ રેસ્ટોરન્ટમાં ટેબલ બુક કરાવ્યો હતો. છતાં પણ, અમારો ટેબલ બીજા ગ્રુપને અપાયો હતો, જે ડબલ બુકિંગની ભૂલ હતી.”
રાજ કુન્દ્રાએ કહ્યું કે આ ઘટના દરમિયાન તેઓ સાથે તેમના માતા-પિતા અને સાસુ પણ હાજર હતા, અને આ પરિસ્થિતિ તેમને માટે ખૂબ તણાવજનક બની હતી. તેમણે કહ્યું કે જ્યારે તેઓએ આ મુદ્દો ઉઠાવ્યો, ત્યારે તેમને શાંત રહેવા માટે કહાયું.
View this post on Instagram
સોશિયલ મીડિયા પર મિશ્ર પ્રતિક્રિયાઓ મળી રહી છે. કેટલાક લોકોએ શિલ્પાનું સમર્થન કર્યું છે, તો કેટલાક વિવાદિત ઘટનાના વિડિયો પર શંકા વ્યક્ત કરી રહ્યા છે.
હવે રાજ કુન્દ્રા ટેલિવિઝન રિયાલિટી શો ‘ટ્રેટર’માં સ્પર્ધક તરીકે દેખાશે અને આ ઘટનાથી દૂર રહેવાની કોશિશ કરી રહ્યા છે.
