JioHotstar Launch: JioHotstar થયું લોન્ચ, 299 રૂપિયાથી શરૂ થાય છે સબ્સ્ક્રિપ્શન પ્લાન, જાણો સંપૂર્ણ વિગત

JioHotstar Launch: JioHotstar થયું લોન્ચ, 299 રૂપિયાથી શરૂ થાય છે સબ્સ્ક્રિપ્શન પ્લાન, જાણો સંપૂર્ણ વિગત

JioHotstar Launch: લાંબા સમય સુધી રાહ જોયા પછી, Disney Star એ સત્તાવાર રીતે JioCinema અને Disney+ Hotstarના મર્જરની જાહેરાત કરી છે. આ નવા પ્લેટફોર્મને JioStar તરીકે ઓળખવામાં આવશે અને તેનો એપ JioHotstar તરીકે લોન્ચ કરવામાં આવ્યો છે. નોંધનીય છે કે 2024માં Reliance અને Disneyએ JioHotstar લાવવાની યોજના ઘડી હતી, જેના ભાગરૂપે નવેમ્બરમાં Disney, Reliance અને Viacom18 વચ્ચે મોટો મર્જર થયો હતો. આ સાથે જ ભારતીય મનોરંજન ઉદ્યોગમાં એક નવા યુગની શરૂઆત થઈ છે.

ચાલો જાણીએ આ નવા પ્લેટફોર્મ અને તેના સબ્સ્ક્રિપ્શન પ્લાન વિશે.

JioHotstar લોન્ચ

Disney Star એ પોતાના X (પૂર્વે Twitter) અકાઉન્ટ પર એક ટીઝર ક્લિપ શેર કરી છે, જેમાં “A new era begins” એટલે કે “એક નવા યુગની શરૂઆત” લખ્યું છે.

આ પોસ્ટમાં એક સ્ટાર ઈમોજી સાથે કેપ્શન આપવામાં આવ્યું છે-

“When two worlds come together, the extraordinary takes shape“, એટલે કે “જ્યારે બે દુનિયા મળે, ત્યારે કંઈક અદભૂત સર્જાય.”

કંપનીનો દાવો છે કે JioHotstar એ પહેલા કરતાં વધુ આધુનિક અને શ્રેષ્ઠ સ્ટ્રીમિંગ સર્વિસ હશે, જે યુઝર્સ માટે અનેક શાનદાર સુવિધાઓ લાવશે. JioHotstar એપ Google Play Store અને Apple App Store પરથી ડાઉનલોડ કરી શકાય છે.

When two worlds come together, the extraordinary takes shape. #JioHotstar #InfinitePossibilities pic.twitter.com/1eW3qGUPsG

— JioHotstar (@JioHotstar) February 14, 2025

JioHotstarના પ્લાન્સ

JioHotstar તેના સબ્સ્ક્રાઈબર્સ માટે અનેક પ્લાન વિકલ્પો રજૂ કરે છે. તેમાં માસિક (Monthly), ત્રૈમાસિક (Quarterly) અને વાર્ષિક (Annual) પ્લાન શામેલ છે. પ્રારંભિક કિંમત 299 રૂપિયા છે. યૂઝર્સને બે પ્રકારના પ્લાન મળી શકે છે—Super અને Premium.

JioHotstar પર ઉપલબ્ધ કન્ટેન્ટ

JioHotstar તેના યૂઝર્સને Disneyના વૈશ્વિક કન્ટેન્ટનો એક્સેસ આપશે, જેમાં શામેલ છે-

• Marvel
• Star Wars
• Pixar
• National Geographic
• Warner Bros, HBO, Max Originals, Colors TV વગેરે.

જો તમે ક્રિકેટ પ્રેમી હોવ, તો Women’s Premier League (WPL) 2025 નો સીધો પ્રસારણ પણ આ પ્લેટફોર્મ પર જોઈ શકશો.

આ ઉપરાંત, JioHotstar પર 100 થી વધુ લાઇવ ટીવી ચેનલ્સ અને 30,000 કલાકથી વધુ કન્ટેન્ટ ઉપલબ્ધ રહેશે. તેમાં HD અને SD ચેનલ્સનો સમાવેશ કરવામાં આવ્યો છે.

હવે જોવાનું એ રહ્યું કે JioHotstar ના લોન્ચ પછી Netflix અને Amazon Prime Videoના વ્યવસાય પર કેવો પ્રભાવ પડશે!