Samsung Smart Ring Patent: લેપટોપ અને ટેબલેટને કંટ્રોલ કરનારી નવી ટેક્નોલોજી
Samsung Smart Ring Patent: સેમસંગે તાજેતરમાં એક નવી સ્માર્ટ રીંગ પેટન્ટ ફાઇલ કરી છે, જેમાં લેપટોપ અને ટેબ્લેટ જેવા ઉપકરણોને નિયંત્રિત કરવાની ક્ષમતા છે. આ રિંગ ઉપકરણો વચ્ચે જોડાણ પુલ તરીકે કામ કરશે અને ફાઇલ ટ્રાન્સફર અને નેવિગેશનને વધુ સરળ બનાવશે.
Samsung Smart Ring Patent: સેમસંગની નવી સ્માર્ટ રિંગ અગાઉ લોન્ચ થયેલી ગેલેક્સી રિંગથી એક પગલું આગળ હશે, જે હેલ્થ ટ્રેકિંગ માટે ડિઝાઇન કરવામાં આવી હતી અને હવે ભારતમાં પણ ઉપલબ્ધ કરાવવામાં આવી છે. હવે સેમસંગે WIPO (વર્લ્ડ ઇન્ટેલેક્ચ્યુઅલ પ્રોપર્ટી ઓર્ગેનાઇઝેશન) માં એક નવું પેટન્ટ ફાઇલ કર્યું છે, જે સ્માર્ટ રિંગને અન્ય ઉપકરણોને નિયંત્રિત કરવાની ક્ષમતા આપે છે.
કેવી રીતે કામ કરશે આ નવી સ્માર્ટ રિંગ?
પેટન્ટ મુજબ, આ સ્માર્ટ રિંગ ડિસ્પ્લે આધારિત ડિવાઇસો જેમ કે લેપટોપ અને ટેબલેટને કનેક્ટ કરી શકે છે. આ ટેક્નોલોજીથી યુઝર્સ સ્ક્રીન પર ઓબ્જેક્ટ્સને મૂવિંગ કરી શકશે અને ડિવાઇસને કંટ્રોલ કરી શકશે. આ ઉપરાંત, આ સ્માર્ટ રિંગ એપલના Continuity ફીચર જેવી સુવિધા આપી શકે છે, જે વડે યુઝર્સ સરળતાથી એક ડિવાઇસથી બીજા ડિવાઇસ પર ડેટા ટ્રાન્સફર કરી શકશે.
સ્માર્ટ રિંગ અને ડિવાઇસ કનેક્શન
સ્માર્ટ રિંગ અને અન્ય ડિવાઇસોને એક જ વાયરલેસ નેટવર્ક પર કનેક્ટ કરવામાં આવશે, જે ડિવાઇસની વચ્ચે સતત ટ્રાંઝિશનને સરળ બનાવશે. આથી, તમે ફાઈલ ટ્રાન્સફર કરી શકો છો, ડિવાઇસ કંટ્રોલ કરી શકો છો, અને હેન્ડ્સ-ફ્રી નેવિગેશનનો ફાયદો પણ ઉઠાવી શકો છો.
ભવિષ્યનું સ્માર્ટ રિંગ
હાલમાં, સ્માર્ટ રિંગ્સ હેલ્થ અને ફિટનેસ ટ્રેકિંગ સુધી મર્યાદિત છે, જેમ કે હાર્ટ રેટ અને સ્લીપ ટ્રેકિંગ, પરંતુ આ નવી ટેક્નોલોજી સ્માર્ટ રિંગ્સને નવી દિશામાં લઇ જઇ શકે છે. આ પેટન્ટ હાલ માત્ર એક વિચાર છે અને હજુ આ ટેક્નોલોજી ક્યારે રિયલ-ટાઇમ ડિવાઇસ તરીકે લોન્ચ થશે તે સ્પષ્ટ નથી.