દિલ્હીની હોસ્પિટલમાં આગનો કહેર: ધુમાડામાં ગૂંગળીને હાઉસકીપિંગ કર્મચારી અમિતનું મોત
દિલ્હીના આનંદ વિહાર વિસ્તારમાં શનિવાર બપોરે એક ખાનગી હોસ્પિટલમાં આગ લાગવાના ઘટનાથી અફરાતફરીનો માહોલ સર્જાયો હતો. આગ લાગતાં હોસ્પિટલ ધુમાડાથી ઘેરાઈ ગઈ હતી, જેના કારણે દર્દીઓ અને સ્ટાફ સભ્યોમાં ભયનો માહોલ ફેલાઈ ગયો હતો.
પ્રાથમિક માહિતી મુજબ,
આગ હોસ્પિટલમાં રાખેલા ઓક્સિજન સિલિન્ડરમાં ફાટવાથી લાગી હતી. ત્યાર બાદ આગે ઝડપથી રુપ ધારણ કરી લીધી અને ઘણા ભાગોમાં ધુમાડો ફેલાઈ ગયો. સ્ટાફે તત્કાળ સ્થિતિની ગંભીરતા સમજીને કાચ તોડી દર્દીઓને સુરક્ષિત રીતે હોસ્પિટલની બહાર ખસેડ્યા હતા. આગ લાગ્યા પછી તાત્કાલિક ફાયર બ્રિગેડને જાણ કરવામાં આવી હતી અને ફાયર ટિમે ઘટનાસ્થળે પહોંચી આગને નિયંત્રણમાં લીધી.
આ દુર્ઘટનામાં સૌથી દુઃખદ ઘટના હાઉસકીપિંગ સ્ટાફ અમિત સાથે ઘટી.
આગ લાગવાની ખબર થતાં ભયથી અમિતે પોતાને સ્ટોર રૂમમાં બંધ કરી દીધો હતો. હાલતમાં બહોળો ધુમાડો રહેલ હોવાથી અમિતને બહાર નીકળવાની તક મળી નહીં અને ગૂંગળામણથી તેનું ઘટનાસ્થળે જ મૃત્યુ થયું.
સ્થાનિક પોલીસ અને ફાયર વિભાગે ઘટનાની તપાસ શરૂ કરી છે. હોસ્પિટલમાં આગ કેવી રીતે લાગી અને ઓક્સિજન સિલિન્ડરની સુરક્ષા માટેના પગલાં પૂરતા લેવાયા હતા કે નહીં, તે અંગે તપાસ ચાલુ છે.
અથૉરિટીઝે ઘટના અંગે ચોક્કસ જવાબદારી નિર્ધારણ માટે અધિકૃત તપાસના આદેશ આપ્યા છે. હોસ્પિટલના અન્ય દર્દીઓ અને સ્ટાફ હાલમાં સુરક્ષિત હોવાનું જાણવા મળ્યું છે.
