ભારતમાં લોન્ચ થયો ગૂગલનો પિક્સલ ફોન મળી રહી છે ખાસ ઓફર ઓનલાઇન અને ઓફલાઇન મળે છે આ ફોન. ગૂગલે પોતાના ફ્લેગશિપ સ્માર્ટફોન ગૂગલ પિક્સલ 2 અને પિક્સલ XL ગત મહિને જ લોન્ચ કર્યા હતાં. પિક્સલ 2 માટે ગત અઠવાડિયે ફ્લિપકાર્ટ પર પ્રી બુકિંગ શરૂ થયું હતું અને હવે આ બન્ને ફોન ભારતમાં ઓનલાઇન અને ઓફલાઇન વેચાઇ રહ્યાં છે. ગ્રાહક તેમને ફ્લિપકાર્ટ અથવા ક્રોમા અને રિલાયન્સ ડિજીટલના શો રૂમથી પણ ખરીદી શકે છે.
ગૂગલ પિક્સલ 2 ની કિંમત 61000થી શરૂ થાય છે. આ ફોન બ્લેક અને વાઈટ રંગમાં મળી રહ્યો છે. કંપની આ ફોનની સાથે 2 વર્ષની વોરન્ટી પણ આપી રહી છે.
ઇ-કોમર્સ જાયન્ટ ફ્લિપકાર્ટ બન્ને ફોન્સ પર 20,000 સુધીની એક્સચેન્જ ઓફર આપી રહી છે. એચડીએફસી ક્રેડિટ કાર્ડ હોલ્ડર્સ માટે એક નો કોસ્ટ ઇએમઆઇ ઓફર છે. જે 3,389 પ્રતિ મહિનાથી શરૂ થશે. ગ્રાહકોને ફ્લિપકાર્ટ તરફથી 149 રૂપિયાની બાયબેક ગેરન્ટી પણ મળશે.
આ ઉપરાંત જે ગ્રાહકોએ સ્માર્ટફોન પ્રી ઓર્ડર કર્યો હતો. તેમને 11,990ના સેનહાઇઝર હેડફોન ફ્રી આપવામાં આવશે અને કેટલાક સ્માર્ટફોન્સ એક્સચેન્જ ઓફરમાં પણ 5000ની એક્સ્ટ્રા છુટ મળશે. એરટેલના ગ્રાહકોને 6 મહિના સુધી 120 GB એડિશનલ ડેટા પણ મળશે. જો તમે આ ડિવાઇસ રિલાયન્સ ડિજિટલથી ખરીદો છો તો તમને 9,999ની કિંમતના અનલિમિટેડ વોઇસ, ડેટા, SMS અને જિયો એપ્લિકેશન મળશે. તેમજ કેટલાક વેરિઅન્ટ્સ પર 5000 રૂપિયાની છુટ પણ મળશે.
એચટીસી દ્વારા બનાવવામાં આવેલા ગૂગલ પિક્સલ 2 માં 5 ઈંચનું ફુલ HD AMOLED ડિસ્પ્લે છે. જેની પર કોર્નિંગ ગોરિલ્લા ગ્લાસ 5 પ્રોટેક્શન આપવામાં આવ્યું છે. ઓક્ટાકોર ક્વોડકોમ સ્નેપડ્રેગન 835 પ્રોસેસર પર રન કરનાર પિક્સલ 2માં 4 GB રેમ છે અને આ 64 અને 128 GB સ્ટોરેજ વેરિઅન્ટમાં મળી રહ્યાં છે. આ ફોનમાં 12.2 MP બેક કેમેરા છે અને બેટરી 2700 mAh આપવામાં આવી છે.