ઈરાન-ઈઝરાયેલ સંઘર્ષ વચ્ચે સોનાનો ભાવ ₹૧.૫૦ લાખને પાર, રોકાણકારો માટે શું છે સલાહ?
વૈશ્વિક અસ્થિરતા અને યુદ્ધના પડછાયા વચ્ચે ભારતીય બુલિયન માર્કેટમાં સોનાના ભાવમાં ફરી એકવાર ઉછાળો જોવા મળ્યો છે. ઈદ-ઉલ-ફિત્રના પવિત્ર તહેવાર પર ભાવમાં થયેલા સાધારણ ઘટાડા બાદ આજે બજારમાં રિકવરી જોવા મળી રહી છે. ઈરાન અને ઈઝરાયેલ વચ્ચે વધતા જતા તણાવ અને ક્રૂડ ઓઈલના ભડકે બળતા ભાવને કારણે સોનું ફરી એકવાર સુરક્ષિત રોકાણ તરીકે ઉભરી રહ્યું છે, જેની સીધી અસર આજના લેટેસ્ટ રેટ્સ પર પડી છે.
વૈશ્વિક રાજકીય તણાવ અને આર્થિક અસ્થિરતાની સીધી અસર ભારતીય સોનાના બજાર પર જોવા મળી રહી છે. ૨૦ માર્ચ, ૨૦૨૬ના ટ્રેડિંગ સત્રમાં સોનાના ભાવમાં જે ઘટાડો જોવા મળ્યો હતો, તે આજે ૨૧ માર્ચના રોજ રિકવર થઈ ગયો છે. ઈદ-ઉલ-ફિત્રના પર્વ પર ગ્રાહકોને મળેલી સાધારણ રાહત બાદ આજે ૨૪ કેરેટ સોનાના ભાવમાં પ્રતિ ૧૦૦ ગ્રામ ₹૬,૫૦૦નો વધારો નોંધાયો છે.
આજના ૨૪ કેરેટ સોનાના ભાવ (24K Gold Rates Today)
૨૪ કેરેટ સોનામાં આજે તેજી જોવા મળી છે:
-
૧ ગ્રામ: ગઈકાલના ₹૧૫,૦૨૮ થી વધીને આજે ₹૧૫,૦૯૩ થયો છે.
-
૧૦ ગ્રામ: ગઈકાલના ₹૧,૫૦,૨૮૦ થી વધીને આજે ₹૧,૫૦,૯૩૦ થયો છે.
-
૧૦૦ ગ્રામ: જે ગઈકાલે ₹૧૫,૦૨,૮૦૦ હતો, તે આજે વધીને ₹૧૫,૦૯,૩૦૦ પર પહોંચ્યો છે.
આજના ૨૨ કેરેટ સોનાના ભાવ (22K Gold Rates Today)
દાગીના બનાવવા માટે વપરાતા ૨૨ કેરેટ સોનાના ભાવમાં પણ વધારો થયો છે:
-
૧ ગ્રામ: ગઈકાલના ₹૧૩,૭૭૫ થી વધીને આજે ₹૧૩,૮૩૫ થયો છે.
-
૧૦ ગ્રામ: ગઈકાલના ₹૧,૩૭,૭૫૦ થી વધીને આજે ₹૧,૩૮,૩૫૦ થયો છે.
-
૧૦૦ ગ્રામ: ભાવ ગઈકાલના ₹૧૩,૭૭,૫૦૦ થી વધીને આજે ₹૧૩,૮૩,૫૦૦ થયો છે.
ભાવ વધારા પાછળના મુખ્ય કારણો: ઈરાન-ઈઝરાયેલ યુદ્ધ અને તેલ સંકટ
કોમોડિટી વિશ્લેષકોના જણાવ્યા અનુસાર, સોનાના ભાવમાં આ ઉછાળો અચાનક નથી આવ્યો. તેની પાછળ ગંભીર ભૂ-રાજકીય કારણો જવાબદાર છે:
૧. વરિષ્ઠ અધિકારીની હત્યા: ઈઝરાયલી હુમલામાં ઈરાની અધિકારી અલી લારીજાનીની હત્યા બાદ પશ્ચિમ એશિયામાં યુદ્ધ વધુ ઉગ્ર બન્યું છે.
૨. ગેસ અને તેલ ક્ષેત્ર પર હુમલા: વિશ્વના સૌથી મોટા કુદરતી ગેસ ક્ષેત્ર પર હુમલાના અહેવાલોથી ઉર્જા બજારમાં ગભરાટ છે. ક્રૂડ ઓઈલ પ્રતિ બેરલ $૧૦૦ થી ઉપર રહેતા મોંઘવારી વધવાની દહેશત છે.
૩. હોર્મુઝ સ્ટ્રેટમાં અવરોધ: મોતીલાલ ઓસ્વાલ ફાઇનાન્શિયલ સર્વિસીસના વિશ્લેષક માનવ મોદીના જણાવ્યા મુજબ, હોર્મુઝ સ્ટ્રેટમાં વિક્ષેપને કારણે તેલના ભાવ ચાર વર્ષની ટોચે પહોંચ્યા છે, જે સોનાને ‘સેફ હેવન’ તરીકે વધુ મજબૂત બનાવી રહ્યા છે.
બજારનો અંદાજ (Market Outlook)
નિષ્ણાતો માને છે કે જ્યાં સુધી મધ્ય પૂર્વમાં યુદ્ધ વિરામના કોઈ સંકેત નહીં મળે, ત્યાં સુધી સોનાના ભાવમાં મોટી મદીની શક્યતા ઓછી છે. ફુગાવાના જોખમો અને લાંબા સમય સુધી ઊંચા વ્યાજ દરોની સંભાવના વચ્ચે બુલિયન માર્કેટ દબાણ હેઠળ હોવા છતાં, યુદ્ધની સ્થિતિ સોનાને ટેકો આપી રહી છે.
૨૧ માર્ચ, ૨૦૨૬ ના રોજ સોનું ખરીદવું એ ગ્રાહકો માટે મોંઘો સોદો સાબિત થઈ શકે છે, પરંતુ રોકાણની દ્રષ્ટિએ તે હજુ પણ સુરક્ષિત માનવામાં આવે છે. લગ્નની સિઝન અને વૈશ્વિક અશાંતિ વચ્ચે સોનાના ભાવ આગામી દિવસોમાં વધુ નવી ઊંચાઈઓ સર કરી શકે છે.
