કોરોના ના કેસો વધતા હવે અગાઉ ની જેમ ફરીથી આજથી ગુજરાત બોર્ડર સીલ કરાઈ છે અને ગુજરાત માં પ્રવેશવા પર RT-PCR નેગેટિવ હોવો ફરજિયાત કરી દેવાયુ છે સાથે જ ટેસ્ટિંગ પ્રક્રિયા શરૂ થઈ છે.
રાજસ્થાનથી ગુજરાતમાં પ્રવેશ કરનારા તમામ મુસાફરોને ટેસ્ટ કરીને જ એન્ટ્રી આપવામાં આવી રહી છે.
મહારાષ્ટ્ર-મધ્યપ્રદેશ બોર્ડરે પણ આરોગ્ય વિભાગ સાથે પોલીસ ચેકપોસ્ટ પર તહેનાત કરાઈ છે.સાથેજ રેલવે અને હવાઈ માર્ગે આવનારા પ્રવાસીઓ માટે પણ આ નિયમો લાગુ કરાયા છે.
આજથી ગુજરાતને જોડતી તમામ બોર્ડરો રાજસ્થાન, મધ્યપ્રદેશ તથા મહારાષ્ટ્રથી ગુજરાતમાં પ્રવેશ કરનારા તમામ મુસાફરોને ટેસ્ટ કરીને જ રાજ્યમાં એન્ટ્રી આપવામાં આપવા રાજ્ય સરકારે આદેશ કર્યો છે.
ગુજરાતમાં વધી રહેલા કોરોનાના કેસને લઈને સરકારે આ નિર્ણય કર્યો છે. બનાસકાંઠાને જોડતી રાજસ્થાનની ચાર બોર્ડર પર ફરજિયાત ટેસ્ટ કર્યા બાદ રિઝલ્ટ નેગેટિવ હશે તો જ એન્ટ્રી અપાશે.
રાજસ્થાનથી ગુજરાતમાં પ્રવેશનારા લોકોની પણ તપાસ અમીરગઢ, થરાદ અને ધાનેરાની રાજસ્થાનને જોડતી ચેકપોસ્ટ પર બનાસકાંઠા આરોગ્ય વિભાગના કર્મીઓ દ્વારા થર્મલ સ્ક્રીનિંગ અને એન્ટિજન ટેસ્ટની પ્રક્રિયા હાથ ધરાઈ છે. બીજી તરફ, મધ્યપ્રદેશમાં થઈને પ્રવાસીઓ દાહોદ જિલ્લામાં પ્રવેશે છે એ તમામ લોકોએ RT-PCR ટેસ્ટ ફરજિયાત કરેલો હોવો જોઇએ તેમજ 72 કલાકની અંદરનો રિપોર્ટ નેગેટિવ હોવો જોઇએ. તો જ તેઓ દાહોદ જિલ્લામાં પ્રવેશ કરી શકશે. આ ઉપરાંત દાહોદ જિલ્લામાં સરહદેથી પ્રવેશ કરનાર સૌનું મેડિકલ સ્ક્રીનિગ પણ કરવામાં આવશે
RT-PCR ટેસ્ટના નેગેટિવ રિપોર્ટ વગર મધ્યપ્રદેશ અને રાજસ્થાનથી દાહોદ જિલ્લામાં પ્રવેશ કરનારા મુસાફરોને રોકવા માટે જિલ્લામાં ખંગેલા, ટાંડા, આગાવાડા, મીનાક્યાર, નીમચ, કાંકણખીલા, ચાકલિયા, ધાવડિયા અને પાટવેલમાં ચેકપોસ્ટ ઊભી કરાઈ છે. અહીં પોલીસ વિભાગ સાથે આરોગ્ય વિભાગ પણ ચારે પ્રહર ફરજ નિભાવશે.
મહારાષ્ટ્રમાં સંપૂર્ણ દેશના 50 ટકાથી વધુ દૈનિક કોરોનાના કેસો નોંધાઇ રહ્યા છે. ગુજરાતના જાહેર આરોગ્ય વિભાગે મહારાષ્ટ્રથી ગુજરાતમાં પ્રવેશનારા પેસેન્જરો માટે કોરોનાનો RT- PCR ટેસ્ટ ફરજિયાત કર્યો હતો. આ ઉપરાંત આ પેસેન્જરોનું હેલ્થ સ્ક્રીનિંગ પણ કરવામાં આવે, એ મુદ્દે સ્ટાન્ડર્ડ ઓપરેટિંગ સિસ્ટમ (SOP) બહાર પાડી હતી. ત્યારે આ પેસેન્જરો હવાઈ માર્ગે, રેલ માર્ગે તેમજ બસ દ્વારા ગુજરાતમાં પ્રવેશ માટે ગાઈડલાઈન્સ જાહેર કરી છે.
