ગુજરાત રાજયના તમામ ઈન્ટર્ન ડોકટરો આવતીકાલ સોમવાર થી હડતાળ પાડશે, તેઓ નું કહેવું છે કે અન્ય રાજ્ય કરતા તેઓ ને ગુજરાત સરકાર ઓછું વેતન આપી રહી છે.
સોશિયલ મીડિયામાં ઈન્ટર્નસ ઓફ ગવર્મેન્ટ ઓફ ગુજરાતના નામે બનાવેલા એકાઉન્ટમાં ઈન્ટર્ન ડોકટરોએ એક લેટર પોસ્ટ કર્યો છે જેમાં જણાવ્યું છે કે ઈન્ટર્ન ડોકટરો એપ્રિલ મહિનાથી કોરોના મહામારી માં સતત ફરજ બજાવી રહ્યા છે પરિણામે 300 જેટલા ડોકટરો કોરોના સંક્રમિત થયા છે. ત્યારે તેમને રૂ. 12800 જેટલું વેતન આપવામાં આવી રહ્યું છે જે ગુજરાત સરકાર અન્ય રાજ્યના ડોકટરોને મળતા વેતન મુજબ ઓછું છે. વેતન વધારવા માટે નાયબ મુખ્યમંત્રી, આરોગ્ય સચિવ સહિતના અધિકારીને વારંવાર રજુઆત કરી છતાં કોઈ નિર્ણય લેવાયો નથી જેથી તેઓની ત્રણ માંગણીઓ નહિ સ્વીકારાય તો આવતીકાલ સોમવારથી તમામ સરકારી, GMERS અને કોર્પોરેશનમાં ફરજ બજાવતા તમામ ઇન્ટર્ન ડોકટરો હડતાળ પર ઉતરી જનાર હોવાનું જણાવાયું છે.
