વલસાડ જિલ્લાના વલસાડ-પારડી ખાતે પોઝીટીવ કેસ નોંધાતા એપીસેન્ટર અને કન્ટેઇનમેન્ટ ઝોન નક્કી કરાયા
અગાઉ આવેલા પોઝીટીવ કેસ સંદર્ભે ત્રણ વિસ્તારોમાં એ.પી.સેન્ટર અને કન્ટેઇનમેન્ટ ઝોનની મુદત વધારાઇ
વલસાડ નગરપાલિકાના વલસાડ-પારડી વિસ્તારમાં કોરોના પોઝીટીવ કેસો જણાતાં વાઇરસના ઝડપી સંક્રમણને ધ્યાને લેતાં લોકોની સુરક્ષા બાબતે તકેદારીના પગલાંરૂપે જિલ્લા મેજિસ્ટ્રેટ આર.આર.રાવલે એપેડેમીક ડીસીઝ એકટ અન્વયે મળેલી સત્તાની રૂએ તાત્કાલિક અસરથી એ.પી.સેન્ટર અને કન્ટેઇનમેન્ટ ઝોન નક્કી કરી તા.૧૯/૦૭/૨૦૨૦ સુધી અમુક પ્રતિબંધ ફરમાવ્યો છે. જેમાં વલસાડ નગરપાલિકાના વલસાડ પારડી વિસ્તારમાં આવેલા ટેકરા ફળિયાના ફલેટ નં.૨૦૨, ગોવિંદમ એપાર્ટમેન્ટ-સીને એ.પી. સેન્ટર તેમજ ગોવિંદમ એપાર્ટમેન્ટ-સીના તમામ હદ વિસ્તારને કન્ટેઇનમેન્ટ ઝોન તરીકે જાહેર કરી ચારે બાજુથી સીલ કરી તેમાં બહાર કે અંદરની અવર-જવર ઉપર સંપૂર્ણ પ્રતિબંધ મૂકાયો છે. આ વિસ્તારના રહેવાસીઓને આવશ્યક ચીજ વસ્તુઓ ચીફ ઓફિસર, નગરપાલિકા, વલસાડ દ્વારા હોમ ડીલીવરીથી પુરી પાડવામાં આવશે.
જ્યારે આરોગ્ય અને પરિવાર કલ્યાણ મંત્રાલયની માર્ગદર્શિકા અનુસાર અગાઉ આવેલા પોઝીટીવ કેસ સંદર્ભે નીચે મુજબના ત્રણ વિસ્તારોમાં એ.પી.સેન્ટર અને કન્ટેઇનમેન્ટ ઝોનની મુદત વધારવામાં આવી છે.
જે પૈકી વલસાડ તાલુકાના કોસંબા પારધી ફળિયા, આનંદ સ્ટ્રીટ ખાતે આવેલા પોઝીટીવ કેસના અનુસંધાને તે વિસ્તારને એ.પી. સેન્ટર તેમજ આનંદ સ્ટ્રીટના કિર્તીવર્ધન કિશાન ટંડેલ, પ્રિયંકા દર્શન ટંડેલ તથા મસિકા આશિષ ટંડેલના મકાન મળી કુલ ૩ મકાનોના તમામ હદ વિસ્તારને કન્ટેઇનમેન્ટ ઝોન તરીકે જાહેર કરી તા.૬/૭/૨૦૨૦ સુધી આ વિસ્તારોમાં બહાર કે અંદરની અવર-જવર ઉપર સંપૂર્ણ પ્રતિબંધ મૂકાયો છે. આ વિસ્તારના રહેવાસીઓને આવશ્યક ચીજ વસ્તુઓ ગ્રામ પંચાયત કોસંબા દ્વારા હોમ ડીલીવરીથી પુરી પાડવામાં આવશે.
વલસાડ નગરપાલિકા વિસ્તારમાં આવેલા ભારત ડેરી અંદરના રોડ ઉપર આવેલા દિવ્યમ એપાર્ટમેન્ટને એ.પી.સેન્ટર તેમજ દિવ્યમ એપાર્ટમેન્ટના તમામ હદ વિસ્તારને કન્ટેઇનમેન્ટ ઝોન તરીકે જાહેર કરી તા.૨૯/૬/૨૦૨૦ સુધી આ વિસ્તારોમાં બહાર કે અંદરની અવર-જવર ઉપર સંપૂર્ણ પ્રતિબંધ મૂકાયો છે. આ વિસ્તારના રહેવાસીઓને આવશ્યક ચીજ વસ્તુઓ ચીફ ઓફિસર, નગરપાલિકા, વલસાડ દ્વારા હોમ ડીલીવરીથી પુરી પાડવામાં આવશે.
વલસાડ તાલુકાના અતુલ હીલસાઇડ-૧, જી-૩ ટાઇપ કવાર્ટર નંબર ૧૦ને એ.પી.સેન્ટર તેમજ જી-૩ ટાઇપ કવાર્ટર નંબર-૧૦ના મકાનના તમામ હદ વિસ્તારને કન્ટેઇનમેન્ટ ઝોન તરીકે જાહેર કરી તા.૨૭/૬/૨૦૨૦ સુધી આ વિસ્તારોમાં બહાર કે અંદરની અવર-જવર ઉપર સંપૂર્ણ પ્રતિબંધ મૂકાયો છે. આ વિસ્તારના રહેવાસીઓને આવશ્યક ચીજ વસ્તુઓ ગ્રામ પંચાયત કોસંબા દ્વારા હોમ ડીલીવરીથી પુરી પાડવામાં આવશે.
આ હુકમો સરકારી ફરજ અથવા કામગીરીમાં હોય તેમજ હોમગાર્ડ કે અન્ય સરકારી અને અર્ધ સરકારી, ખાનગી દવાખાના સ્ટાફ તથા ઇમરજન્સી સેવા સાથે સંકળાયેલા વ્યક્તિ કે જેઓ કાયદેસરની ફરજ ઉપર હોય તથા ભારત સરકારના ગૃહ મંત્રાલયના અગાઉ ઇસ્યુ કરેલા હુકમોથી જાહેર કરવામાં આવેલ આવશ્યક સેવાઓ કે જે માટે અધિકૃત અધિકારી દ્વારા પાસ ઇસ્યુ કરવામાં આવ્યા છે તેઓ તથા સ્મશાનયાત્રાને લાગુ પડશે નહીં.
આ હુકમનો ભંગ કરના વ્યક્તિ ભારતીય દંડ સંહિતા તેમજ નેશનલ ડિઝાસ્ટર મેનેજમેન્ટ એકટની જોગવાઇ મુજબ સજાને પાત્ર થશે. તેમ નિવેદન માં જણાવાયું છે.
