કોરોના મહામારીના સંટકાળ દરમિયાન અમેરિકાની દિગ્ગજ ઇલેક્ટ્રીક કાર ઉત્પાદક કંપનીને આકર્ષવા માટે ગુજરાત સરકારે લાલ જાજમ બિછાવી છે. ઈલેક્ટ્રીક કાર કંપની ટેસ્લાના મેન્યુફેક્ચરિંગ યુનિટે પોતાના રાજ્યોમાં સ્થાપિત કરવા માટે ગુજરાત સરકાર દ્વારા કચ્છ તટે આવેલા મુંદ્રામાં ટેસ્લાને 1,000 હેક્ટર જમીન ઓફર પણ આપી દેવામાં આવી છે.
ગુજરાતાં એક વરિષ્ઠ સરકારી અધિકારીએ કહ્યુ હતું કે, તેઓ નક્કી નથી કરી શકતા કે, તેમણે ગુજરાતમાં આવવુ જોઈએ કે, બેંગલુરૂમં જ રહેવુ જોઈએ. તેઓ ગુજરાત અને કર્ણાટક બંને સરકારો સાથે વાતચીત કરવાની કોશિશ કરી રહ્યા છે. આ વર્ષે જ 8 જાન્યુઆરીના રોજ કંપનીએ બેંગલુરૂમાં ટેસ્ટા ઈંડિયા મોટર્સ એન્ડ એનર્જી પ્રાઈવેટ લિમિટેડ રજિસ્ટર કરાવ્યું હતું.
ઉલ્લેખનિય છે કે, ટેસ્લાના પ્લાન્ટને પોતાના રાજ્યમાં આકર્ષવા માટે મહારાષ્ટ્ર, ગુજરાત અને કર્ણાટકમાં પુરી કોશિશમાં છે.
ગુજરાતે મુન્દ્રામાં અડા બંદરો અને વિશેષ આર્થિક ક્ષેત્ર (એપીએસઈઝેડ) ની અંદર અને બહાર બંને બાજુ જમીનની ઓફર કરી છે. એપીએસઇઝે 8,400 હેક્ટર જમીન છે, જેમાંથી અડધી જમીન ખાલી પડી છે. “અમે તેમને કહ્યું છે કે જમીન કોઈ મુદ્દો નહીં બને. જોકે, તેઓએ હજી સુધી નિર્ણય લીધો નથી કે તે ભારતમાં એક્સપોર્ટ યુનિટ હશે કે બંનેનું મિશ્રણ. એપીએસઈઝેડ મુન્દ્રા ખાતે સૌથી મોટો વ્યાપારી બંદર અને સેઝનું સંચાલન કરે છે. સેઝને ડ્યુટી મુક્ત એન્ક્લેવ તરીકે જાહેર કરવામાં આવ્યા છે જ્યાં ભારતીય કસ્ટમ્સ કાયદો લાગુ પડતો નથી.
જોકે, કંપનીએ હજી સુધી આવી કોઈ માહિતી રાજ્ય સરકારને આપી નથી, જેથી તેમની જરૂરિયાતો જાણી શકાય. દરમિયાન એક અધિકારીએ જણાવ્યું હતું કે, “બેંગ્લોર કરતા ગુજરાતમાં જમીન ઘણી સસ્તી છે, પરંતુ પ્રશિક્ષિત માનવશક્તિની અછત છે અને મુન્દ્રા જેવા દૂરસ્થ સ્થળોએ ફોર્ચ્યુન 500 કંપનીઓને બોલાવવી મુશ્કેલ છે.
