જમાનો બદલાઈ ગયો છે અને હવે બધું ઓન લાઈન થઈ ગયું છે તેમજ જેટલો વપરાશ તેટલું રિચાર્જ કરવાનો ઑપશન પણ આવી ગયા છે ત્યારે હવે મોબાઈલમાં જે રીતે રિચાર્જ થાય છે તેજ રીતે હવે વીજમીટર આવી જશે જે મીટરો સ્માર્ટ મીટર હશે આ સ્માર્ટ મીટર પ્રિ-પેઈડ અથવા પોસ્ટ-પેઈડ હશે જે ગ્રાહક પોતાની પસંદગી મુજબ રિચાર્જ કરી વિજળીનો ઉપયોગ કરી શકાશે.
મોબાઈલ એપ્લિકેશન, ડિજીવીસીએલની વેબસાઈટ અથવા અન્ય કોઈ પેમેન્ટ ગેટ-વે દ્વારા ગમે ત્યારે ગમે ત્યાંથી આ સ્માર્ટ વીજળીના મીટરમાં રિચાર્જ કરાવી શકાશે. કંઈ કલાકમાં કેટલો વિજળીનો વપરાશ થયો છે તેનું સ્માર્ટ ટ્રેકિંગ કરી શકશે અને લાઈવ અપડેટ જોઈ શકાશે. આ અપડેટ જે-તે ગ્રાહક અને ડિજીવીસીએલ બંને જોઈ શકશે.
નવા પ્રોજેક્ટ માટે ટેન્ડર પ્રક્રિયા ચાલી રહી છે
ડિજીવીસીએલના અધિકારીએ જણાવ્યું હતું હતું કે, ‘સ્માર્ટ મીટર લગાવવા માટેની પ્રક્રિયા શરૂ કરી દેવામાં આવી છે. હાલ ટેન્ડર પ્રક્રિયા ચાલી રહી છે, ટેન્ડર પસંદ થયા બાદ કામની સોંપણી થશે અને ત્યાર બાદ જે-તે કંપની દ્વારા સ્માર્ટ મીટર લગાવવાની કામગીરી શરૂ કરવામાં આવશે.’
રાજ્યમાં હાલ વિજળી કંપનીઓની સાથે સાથે હવે દક્ષિણ ગુજરાત વીજ કંપની લીમીટેડ દ્વારા વિજળીના સ્માર્ટ મીટર લગાવવાનું આયોજન કર્યુ છે,જે માટે ટેન્ડર પણ બહાર પાડી દેવાયું છે.
સમગ્ર દેશમાં હવે સરકાર સ્માર્ટ મીટર લગાવવા અંગેનું આયોજન કરી રહી છે. જેથી હવે કાગળમાં આવતુ બિલ એક સ્વપ્ન બની જશે અને મોબાઇલની જેમ પ્રિપેઇડ દ્વારા વિજ બિલ પણ હવે રિચાર્જ થકી મેળવવાનું રહેશે.
સ્માર્ટ મીટરમાં જરૂરિયાત અનુસાર રિચાર્જ કરાવીને વિજ રીચાર્જ કરાવી શકાશે
