અમદાવાદ: શહેરમાં 13 વર્ષના માસુમને મામા તથા માસીએ માર માર્યાની ઘટના સામે આવી છે. જેમાં મામાએ છોકરાને હાથમાં લોખંડનો સળિયો મારીને ફ્રેક્ચર કરી નાખ્યું. જ્યારે આ વાતની ફરિયાદ કરવા છોકરાએ પોતાના નાનાને ફોન કર્યો તો તેમણે પણ નાજુક બાળકને માસુમને ફોનમાં ધમકાવ્યો હતો, જેથી આખરે તેણે પોતાના પિતાને ફોન કરીને સમગ્ર સાચી ઘટના જણાવી હતી. જેથી પિતાએ તેને હોસ્પિટલમાં સારવાર માટે લઈ જઈને પોલીસમાં સાસરિયા વિરુદ્ધ ફરિયાદ નોંધાવી હતી.
ઘટનાની વિગતો મુજબ, શહેરના સીટીએમ વિસ્તારમાં રહીને ફર્નિચરનું કામ કરતા કમલેશભાઈ (નામ બદલ્યું છે)ના 15 વર્ષ પહેલા મોહિની (નામ બદલ્યું છે) સાથે પ્રેમ લગ્ન થયા હતા. સંતાનમાં તેમને ત્રણ બાળકો છે જેમાં રમેશ (નામ બદલ્યું છે) સૌથી મોટો દીકરો છે. મોહિની લગ્ન બાદ અવારનવાર ફોન પર કોઈની સાથે વાતો કરતી હોઈ પતિ-પત્ની વચ્ચે સતત ઝઘડા થતા હતા. શનિવારે સવારે કમલેશ કામ અર્થે ગયો ત્યારે મોહિની કોઈની સાથે વાત કરતી હતી, જેથી રમેશ તેના પિતાને ફોન કરીને આની જાણ કરી અને પોતે દાણીલીમડામાં નાનીના ઘરે મમ્મીની ફરિયાદ કરવા જતોરહ્યો હતો.ત્યાર પછી રાત્રે રમેશે પિતાને ફોન કર્યો અને કહ્યું કે, ‘હું નાનીના ઘરે ગયો ત્યાં મામા અને માસી બંને હાજર હતા.
મેં મમ્મી ફોન પર કોઈની સાથે વાતો કરવાની જાણ કરતા જ નાની ગુસ્સે થઈ ગયા અને મને ગંદી ગાળો આપી બહાર નીકળી જવા કહ્યું, જ્યારે મામા અને માસી બરાબર માર માર્યો હતો. આ દરમિયાન મામાએ લોખંડનો સળિયો લઈને રમેશને હાથ પર માર્યો અને ધમકી આપી કે હવે તારી મમ્મીની ખોટી ફરિયાદ કરવા આવ્યો તો તને અને તારા પપ્પા બંનેને જાનથી મારી નાખીશ.બિવાયેલો રમેશ તરત રીક્ષામાં બેસીને ત્યાંથી ભાગી ગયો અને પિતાને ફોન કરીને સમગ્ર ઘટનાની જાણ કરી. આ બાદ તેને એલ.જી હોસ્પિટલ સારવાર માટે લઈ જવામાં આવ્યો જ્યાં તેનું ફ્રેક્ચર થયું હોવાનું જાણ થઈ હતી. આ બાદ કમલેશભાઈએ આ ઘટના સંદર્ભે તેમના સાસુ, સાળા તથા સાળી અને સસરા વિરુદ્ધ દીકરાને માર મારવાની તથા ફોન પર ધમકાવવાની ફરિયાદ દાણીલીમડા પોલીસ સ્ટેશનમાં નોંધાવી હતી.
