આજના અમદાવાદ ના નમસ્તે ટ્રમ્પ ના ઐતિહાસિક કાર્યક્રમ દરમ્યાન ભારે ભીડ અને ગરમી ના કારણે કેટલાક લોકો બીમાર પડી ગયા હતા ,અમેરિકન રાષ્ટ્રપ્રમુખ ડોનાલ્ડ ટ્રમ્પ અને પીએમ મોદીનો વિશ્વના સૌથી મોટા ક્રિકેટ સ્ટેડિયમ મોટેરામાં આજે ‘નમસ્તે ટ્રમ્પ’નો ભવ્ય કાર્યક્રમ દરમ્યાન બપોર ના 12 વાગ્યા સુધીમાં ખીચોખીચ ભરાયેલા સ્ટેડિયમમાં ગરમીના કારણે કેટલાક લોકો ડીહાઈડ્રેશનનો ભોગ બન્યા હતા અને તેઓ ને સારવાર આપાઇ હતી 108 એબ્યુલન્સ સેવાના અધિકારીએ જણાવ્યા મુજબ,ગરમીને કારણે 10 લોકો બેભાન થઈ ગયાહતા તો કેટલાક લોકોને ઉલટીઓ થઈ હતી. જેને કારણે તેઓને 108 મારફતે સારવાર માટે નજીકની હોસ્પિટલમાં ખસેડવામાં આવ્યા હતા.
દરમ્યાન ન્યૂઝ નું કવરેજ કરવા આવેલા એક પત્રકાર પણ ભારે ભીડ માં ગબડી પડ્યા હતા જેઓ ને ઇજા થઈ હતી અને સારવાર અર્થે હોસ્પિટલમાં ખસેડવામાં આવ્યા હતા. કોઈપણ ઈમરજન્સી માટે મોટેરા ક્રિકેટ સ્ટેડિયમમાં 10 જેટલી108 એમ્બ્યુલન્સ રાખવામાં આવી હતી. ઉપરાંત ખાનગી હોસ્પિટલની પણ એમ્બ્યુલન્સ રાખવામાં આવી હતી જેમાં આ પ્રકાર ના કેસ બન્યા હોવાનું સૂત્રો એ જણાવ્યું હતું
