કોરોના કહેર : સ્ટેચયુ ઓફ યુનિટીને લઈને લેવાયો આ મહત્વનો નિર્ણય

કોરોના વાયરસના હાહાકાર વચ્ચે હાલ સમગ્ર દેશમાં હડકંપ મચી રહ્યો છે. દેશના 4 થી વધુ રાજ્યોમાં લોકડાઉન અને કરફ્યુ લાદી દેવાયો છે. ત્યારે કોરોનાના સંક્રમણ સામે દેશ અને દુનિયાના લોકોનું સ્વાસ્થ્ય જળવાઈ રહે એ માટે સ્ટેચ્યુ ઓફ યુનિટી આગામી 31મી માર્ચ સુધી બંધ રાખવાનો નિર્ણય લેવાયો છે. રાજય સરકારના મળેલ આદેશ મુજબ સ્ટેચ્યુ ઓફ યુનિટી અને સંલગ્ન તમામ પ્રવાસીય દર્શનીય સ્થળો 18/3/2020 થી 25/3/2020 સુધી પ્રવાસીઓ માટે અગાઉ બંધ રખાયા હતા. પણ દિવસે અને દિવસે સ્થિતિ બગડી રહી છે જેને કારણે હવે આગામી તા.26/3/2020 થી તા.31/3/2020 સુધી સ્ટેચ્યુ ઓફ યુનિટી અને સંલગ્ન તમામ પ્રવાસન સ્થળો પણ બંધ રાખવાની જાહેરાત મુખ્ય વહીવટદાર કચેરી સ્ટેચ્યુ ઓફ યુનિટી, કેવડીયા કોલોની તરફથી કરવામાં આવી છે. સ્ટેચ્યુ ઓફ યુનિટી અને સંલગ્ન તમામ પ્રોજેકટ 26/3/2020 થી 31/3/2020 સુધી એડવાન્સ બુકીંગ કરાવનાર પ્રવાસીઓને બુકીંગ એમાઉન્ટ રિફંડ અપાશે.