Gujarat: લોકસભાની ચુંટણી જાહેર થઈ ત્યાર થી MPLAD ફંડ ચર્ચામાં છે. 50 ટકા ફંડ વપરાયું છે. ગુજરાતને મોદી સરકારે કુલ 430 કરોડ ઓછા આપીને અન્યાય કર્યો છે. વળી, ભંડોળ આપવા ન મળવાના કારણોમાં ગુજરાતની ભાજપની ભૂપેન્દ્ર પટેલની સરકાર સૌથી વધારે જવાબદાર છે. પટેલ સરકારે કામની પ્રગતિ અંગે અહેવાલ આપવાનો હોય છે તે આપવામાં આવ્યો નથી. પૈસાનો ઉપયોગ અંગે પ્રમાણપત્ર ભૂપેન્દ્ર પટેલની સરકારે આપ્યા નથી. યોગ્ય અહેવાલો ન આપવાના કારણે સાંસદોએ પોતાના મત વિસ્તારમાં કામો કરવાની તક ગુમાવી દીધી. પ્રજાના કામો જ ન થયા.
વળી 5 વર્ષમાં રૂ. 25 કરોડ નરેન્દ્ર મોદીએ આપવા જોઈતા હતા તેના બદલે 9.50 કરોડથી વધારે નાણાં આપ્યા નથી. આમ સીધી રૂ. 15.50 કરોડનું નુકસાન દરેક બેઠક પર પ્રજાને ગયું છે. જેનું કારણ એક જ પક્ષના સાંસદોને ગુજરાતમાંથી મોકલવામાં આવી રહ્યાં છે તે માનવામાં આવે છે.
છેલ્લાં 10 વર્ષથી એક જ પક્ષ ભાજપના તમામ સાંસદો ચૂંટાતા હોવાથી ગુજરાતની પ્રજાને કરોડો રૂપિયાનો ફટકો પડ્યો છે.
એમપી લોકલ એરિયા ડેવલપમેન્ટ ફંડના દરેક સાંસદને 5 વર્ષમાં 17 કરોડ કેન્દ્ર સરકાર આપે છે. તેમાંથી ગુજરાતના તમામ ભાજપના 26 સાંસદોએ માંડ 5 થી 9 કરોડ જ વાપર્યા હતા. 50 ટકા નાણાં પડી રહ્યાં હતા. વળી કેન્દ્ર સરકારે નિયમો પ્રમાણે રૂ.25 કરોડ 5 વર્ષના આપવાના થતાં હતા તેના બદલે રૂ. 8 કરોડનો કાપ મૂકીને રૂ. 17 કરોડ આપ્યા હતા.
ગુજરાતના 26 સંસદસભ્યો હસ્તક 17 કરોડ લેખે કુલ રૂપિયા 442 કરોડ મળવાના હતા. આ ફંડ દ્વારા તેઓ તેમના મત વિસ્તારમાં વિકાસના કામો માટે વાપરી શકતા હતા પરંતુ 26 સાંસદોએ માત્ર 355 કરોડ રૂપિયાના કામો કરવાની ભલામણ કરી હતી. જે પૈકી 263.15 કરોડના કામો મંજૂર કરવામાં આવ્યા હતા. જેમાં 220 કરોડ રૂપિયા વપરાયા હતા.
કેન્દ્રની નરેન્દ્ર મોદીની સરકારે 25 કરોડ લેખે પૈસા આપવાના બદલે 17 કરોડ આપતાં દરેક સાંસદને રૂ.8 કરોડ ઓછા મળ્યા હતા. જે 22 સાંસદોને રૂ. 208 કરોડ ઓછા મળતાં ગુજરાતને ખોટ ગઈ હતી. વળી રૂ. 222 કરોડ આપ્યા ન હતા. આમ ગુજરાતના જ નેતાઓ દિલ્હીમાં સત્તા પર હોવા છતાં રૂ. 430 કરોડ ગુજરાતની પ્રજાને ઓછા મળ્યા હતા.
જો આ 430 કરોડ ગુજરાતને મોદીએ આપ્યા હોત તો તેમાંથી જે શાળામાં વર્ગ ખંડની તંગી છે તેમાં 4 હજાર વર્ગ ખંડો બની શક્યા હોત. ગુજરાતમાં 18 હજાર વર્ગખંડોની તંગી છે. જે ઘટાડી શકાય હોત. જો તમામ ગ્રાંટ શાળાઓ બનાવવામાં વાપરી હોત 10 હજાર વર્ગખંડ બનાવી શકાયા હોત. ગુજરાત સરકારે પણ ફંડ આપ્યું હોત તો તમામ શાળાઓમાં ખુટતા 18 હજાર વર્ગખંડો 5 વર્ષમાં બની ગયા હોત. પણ ભાજપ સરકાર પ્રજાને શિક્ષિત રાખવા માંગતી નથી.
કેમ ઓછો ખર્ચી કર્યો તે મતદારો પૂછી રહ્યાં છે. ભારત સરકારના MP – LAD વેબસાઈટ પર 5 એપ્રિલના રોજ આપેલા આંકડા અનુસાર 18 સાંસદોના 2022 થી ફંડના હપ્તા બાકી છે. 8 સાંસદોના 2023-24ના હપ્તા પડતર છે.
ગુજરાતમાંથી ચૂંટાઈને દિલ્હી જતા સંસદ સભ્યો લોકસભામાં પ્રશ્નો પૂછવામાં બેદરકાર રહે છે તેમ કેન્દ્ર સરકાર તરફથી મતવિસ્તારના વિકાસ માટે આપવામાં આવેલી ગ્રાન્ટ વાપરતા પણ નથી. મતવિસ્તારમાં વિશેષ કામોની ભલામણ કરી શકે છે. સાંસદોની ભલામણ પછી જિલ્લા આયોજન મંડળ દ્વારા તે કામો માટે ભંડોળ ફાળવવામાં આવે છે.
26 સાંસદોએ પાંચ વર્ષમાં માત્ર 49.77 ટકા જ ફંડ વાપયું છે. 2019થી 2024ની ટર્મમાં 25 કરોડના બદલે માત્ર 17 કરોડની ફાળવણી કરવામાં આવી હતી. એમપી લોકલ એરિયા ડેવલપમેન્ટ ફંડની યોજના 23મી ડિસેમ્બર 1993માં અમલમાં મૂકવામાં આવી હતી.
કેવા કામો
રેલવે-માર્ગ-બ્રિજ અને પથવે માટેની 5111 યોજનાઓમાં 114.81 કરોડ સાંસદોએ ફાળવેલા હતા. પીવાના પાણીની 1992 યોજનાઓ માટે 17.25 કરોડ ફાળવેલા હતા. શિક્ષણની 1046 યોજનાઓ માટે 295 કરોડ હતા. આરોગ્યની 675 યોજનાઓ માટે 13.15 કરોડ મંજૂર કરવામાં આવ્યા હતા. એ ઉપરાંત સિંચાઈ, એનર્જી, પબ્લિક ફેસેલિટી, સેનિટેશન સ્પોર્ટ્સ કૃષિ, પશુપાલન, હેન્ડલૂમ અને અર્બન ડેવલપમેન્ટ પાછળ વધતી- ઓછી રકમ ફાળવવામાં આવી છે.
કોણે કેટલા કામો કર્યા
રાજકોટ – મોહન કુંડારિયાએ સૌથી ઓછા રૂ. 5 કરોડ 5 વર્ષમાં પ્રજાના કામો કર્યા.
7 કરોડના કામો કરાવનારા સાંસદોની યાદી
જૂનાગઢ – રાજેશ ચુડાસમા
દાહોદ – જશવંતસિંહ ભાભોર
પંચમહાલ – રતનસિંહ રાઠોડ
બારડોલી – પ્રભુ વસાવા
ભાવનગર – ભારતી શિયાળ
સુરેન્દ્રનગર – મહેન્દ્ર મુંજપરા
ખેડા – દેવુસિંહ ચૌહાણ
વલસાડ – કે.સી.પટેલ
મહેસાણા – શારદા પટેલ
9.5 કરોડના કામો કરાવનારા સાંસદોની યાદી
ગાંધીનગર – અમિત શાહ
સાબરકાંઠા – દીપસિંહ રાઠોડ
નવસારી – સી.આર.પાટીલ
કચ્છ – વિનોદ ચાવડા
સુરત – દર્શના જરદોષ
પોરબંદર – રમેશ ધડૂક
પાટણ – ભરતસિંહ ડાભી
આણંદ – મિતેષ પટેલ
અમદાવાદ પશ્ચિમ – કિરીટ સોલંકી
ભરૂચના – મનસુખ વસાવા
બનાસકાંઠા – પરબત પટેલ
વડોદરા – રંજન ભટ્ટ
અમદાવાદ પૂર્વ – હસમુખ પટેલ
જામનગર – પુનમ માડમ
છોટાઉદેપુર – ગીતા રાઠવા
અમરેલી – નારણ કાછડિયા
ગોલમાલ
ગ્રાન્ટમાં પૈસા ચાઉં કરીને કૌભાંડ થઈ રહ્યાં છે. ગ્રાન્ટમાં ઘણાં દુરૂપયોગ કરવામાં આવ્યા હતા.
સી.આર. પાટીલની મોહનભાઈ કુંડારિયાને 2022માં ટકોર કરી હતી કે, દાંત તો કાઢો. ગ્રાન્ટ વાપરો, ઘરે ક્યાં લઈ જવાની હોય. ગુજરાતના સાંસદ સભ્યનો મતદારોની પાસેથી ફરીથી મત માંગવા આવે ત્યારે પૂછે છે કે, કેમ ગ્રાંટ વાપરી નહીં.
સાંસદની ગ્રાંટના કામોનું ત્રીજા પક્ષ દ્વારા તપાસ કરાવવાની હતી, જે કરાવાઈ નથી. એટલે ખરેખર નાણાં ક્યાં વપરાયા તે જાણી શકાયું નથી.
દાહોદમાં સરકારની 6 નકલી કચેરીના કૌભાંડના કારણે રૂ. 50 કરોડ વેડફાઈ ગયા હતા જેમાં સાંસદની ગ્રાંટ પણ હતી.
નકલી કચેરી મામલે કૌંભાંડમાં સાંસદ સહિત નેતાઓ સામેલ હોવાનો આરોપ ભાજપ પર છે.
કેટલાક ગામના વિકાસ માટે ફાળવેલી ગ્રાન્ટ પરત લેવાનો આદેશ કરવો પડ્યો હતો. બાળકોનું રમકડાં ખરાદી કૌભાંડ ભાજપના સાંસદની ગ્રાંટમાંથી થયું હતું. ખેડાના ઠાસરા તાલુકામાં રાજ્યસભાના સાંસદની ગ્રાન્ટનો દુરુપયોગ થયાનો આરોપ હતો. 2021માં રૂ. 97 લાખની ગ્રાન્ટ આયોજન અધિકારી પરેશ રસીક જોષી હતી.
અમદાવાદમાં ઓઢવ વોર્ડમાં લાખો રૂપિયાનું પેવર બ્લોક નાંખવાનું કૌભાંડ સાંસદ ગ્રાન્ટમાં થયું હતું.
કચ્છમાં સુજલામ સુફલામ જળ અભિયાનના કામોમાં કરોડોનું કૌભાંડ થયું હતું. 2022ના કામોમાં ભાજપના મળતિયા, સાંસદ તથા ધારાસભ્યોના નજીકનાઓ દ્વારા ઠેકા મેળવાયા હતા.
વડોદરા શહેરમાં કોર્પોરેટર, ધારાસભ્ય અને સાંસદ ભંડોળ આપે તેમાં પેવર બ્લોકના નામે કૌભાંડ થયા હોવાના આરોપ હતા.
ભાવનગરના સાંસદ ભારતી શિયાળ પાસે કામ માટે ગ્રાન્ટ માંગે એટલે તેની કુનેહ અને આવડતથી 10થી 15% કમિશન નક્કી કરીને ગ્રાન્ટ ફાળવતા હોવાનો આરોપ તેના જ પક્ષના કાર્યકરોએ મૂક્યો હતો.