Gujarat: દરોડા, દમ, દાટી, દંડ, દાન, દમન કરીને દામ પડાવવા માટે એજન્સીઓનો ઉપયોગ કરવામાં આવી રહ્યો હોવાનો આક્ષેપ કોંગ્રેસ કરી રહી છે.આમાં હવે આવકવેરા વિભાગનો પણ સમાવેશ થઈ ગયો હોવાની ચર્ચા ચાલી રહી છે. કેન્દ્રની ઈન્ક્મટેક્સ, GST, CBI અને ED વગેરી જેવી એજન્સીઓના દરોડા પછી કરોડો રૂપિયાનું ભંડોળ મળ્યું હોવાનો દાવો કરવામાં આવી રહ્યો છે. 30 કંપનીઓ પર દરોડા પડાયા બાદ સત્તાવાર રૂ. 335 કરોડનું ચૂંટણી ફંડ આ કંપનીઓએ આપ્યું હોવાનો હાવો છે. તેમની ઉપર કેન્દ્રીય એજન્સીઓના દરોડા પડયા હતા. બિનસત્તાવાર રીતે જે અંદરખાને થતું હોય તે બહાર આવી શકતું નથી.
અમદાવાદના ચિરિપાલ ગ્રુપ, એસ્ટ્રલ કંપની અને સિન્ટેક્સ ઇન્ડસ્ટ્રીઝએ પણ દરોડા પછી ભાજપને દાન કર્યું હતું. એક કરોડથી વધુનું ભાજપને ચૂંટણી ભંડોળ આપતી 30 કંપનીમાં ગુજરાતના અમદાવાદની 4 કંપનીનું નામ પણ આવ્યું છે. જેમાં ચિરિપાલ ગ્રુપ, એસ્ટ્રલ કંપની અને સિન્ટેક્સ ઇન્ડસ્ટ્રીઝનો સમાવેશ થાય છે.
અમદાવાદની 3 અને કચ્છની કંપનીએ ફંડ લાખોમાથી કરોડોનું કર્યું હતું. અમદાવાદની 3 અને કચ્છની કંપનીએ ફંડ લાખોમાથી કરોડોનું કર્યું હતું.
રમણ અને દશરથ પટેલ પોપ્યલરની 10 હજાર કરોડ રૂપિયાની મિલકતોનું શું થયું તે કોઈ જાણતું નથી. અભય ચૂડાસમા પોલીસ અધિકારી હતા. એવી હાલત હાલ ગુજરાતમાં ઉદ્યોગપતિઓની થઈ ગઈ છે.
શરાબ બનાવતી કંપનીઓએ કેન્દ્રીય એજન્સીના દરોડા બાદ સૌથી વધુ ચૂંટણી ભંડોળ આપ્યું હતું.
માત્ર કેન્દ્રીય એજન્સીઓના દરોડા જ નહીં પરંતુ સરકારી નિયમોમાં ધ્યાનમાં લીધા વિના ગેરવાજબી લાભ મેળવનારા ઉદ્યોગ સમૂહોએ પણ દાન આપવાની ફરજ પાડવામાં આવી હતી.
શરાબ બનાવતી કંપનીઓએ કેન્દ્રીય એજન્સીના દરોડા બાદ સૌથી વધુ ચૂંટણી ભંડોળ આપ્યું હતું. હવે ગુજરાતમાંથી ધીમેધીમે દારૂબંધી દૂર કરવામાં આવી રહી છે.
એસ્ટ્રલ કંપની
અમદાવાદની એસ્ટ્રલ કંપની ઉપર પણ 23મી નવેમ્બર,2021માં દરોડા પડે છે અને બે મહિના પછી કંપની એક કરોડ રૂપિયાનું ફંડ આપે છે.
શહેરના સિંધુ ભવન વિસ્તારમાં આવેલી કચેરી પર 23 નવેમ્બર 2021માં મોડી રાતથી આવકવેરા વિભાગના 150 કર્મચારીઓ અને અધિકારીઓ દ્વારા 4 ટોળી કરીને અધિકારીઓએ દરોડા પાડીને બેનામી મિલકતોની માહિતી મેળવવા તપાસ શરૂ કરી હતી.
એક કરોડ રૂપિયા રોકડા અને 12 બેંક લોકરની વિગતો મળી છે. સાથે સાથે ખૂબ જ મોટા પ્રમાણમાં ડિજિટલ ડેટા મળ્યો હોવાથી તેની મિલર ઇમેજ લેવાની કામગીરી ચાલી રહી છે. અધિકારીઓને તપાસમાં 100 કરોડ રૂપિયાની બિનહિસાબી કાચી એન્ટ્રીઓની વિગતો પણ મળી છે.
એસ્ટ્રલ કંપની કડી નજીક આવેલી પાઈપની ફેક્ટરી છે. મોટી કંપની છે. અમદાવાદમાં 40 જગ્યાઓ પર દરોડા હતા.
આ દિવસો દરમિયાન માણેકચંદનાં ડિલર મુસ્તફા શેખ અને તેમના ભાગીદારોને ત્યાં દરોડા પડાયા હતા.
ડિરેક્ટરોના નિવાસસ્થાન, સિનિયર કર્મચારીઓના નિવાસ્થાન તેમજ બંને કંપનીના કડી અને મહેસાણા હાઇવ પર આવેલા કારખાના પર ત્રાટકયા હતા.
મોટા પ્રમાણમાં મોબાઇલ લેપટોપ કમ્પ્યૂટર હાર્ડડીસ્ક અને પેનડ્રાઈવ મળી આવી હતી.
ચિરિપાલ જૂથ પર દરોડા
20 જૂલાઈ 2022માં દરોડા પડાયા અને ભાજપને ભરપુર ભંડોળ આપી દીધું. ખેડા, મુંબઈ, હૈદરાબાદ અને કોલકાતામાં ચિરીપાલ ગૃપ સામે કાર્યવાહી કરી હતી.
એશિયામાં સૌથી વધુ ડેનિમ ઉત્પાદન કરતા ચિરિપાલ ઉદ્યોગ જૂથ દ્વારા વર્ષ 2019-20માં ભાજપને રૂપિયા 2.25 કરોડ આપવામાં આવ્યા હતા. ત્યાર પછીના બે વર્ષમાં કંપની એક રૂપિયો ભાજપને આપેલું ન હતું.
20 જુલાઈ 2022માં કંપની ઉપર આવકવેરા વિભાગનો દરોડો પાકવામાં આવ્યો હતો. જેમાં 10 કરોડ રૂપિયાની રોકડ મળી હોવાનો દાવો થયો હતો. આઇટીની કાર્યવાહી પછી ચિરિપાલ ઇન્ડસ્ટ્રીઝ ભાજપને નાણાકીય વર્ષ 2022-23માં 2.61 કરોડનું ભંડોળ આપેલું હતું.
કાપડ બનાવવા વપરાતી પેટ્રોકેમિકલ ચીપ્સ, પેકેજીગ, કાપડ, શિક્ષણ સાથેના વ્યવસાયમાં સંકળાયેલા વેદપ્રકાશ ચિરીપાલ, બ્રિજમોહન ચિરીપાલ સહિતના ભાગીદારોને ત્યાં દરોડા પાડ્યા હતા. 150 અધિકારીઓ દરોડાની કામગીરી કરી હતી.
અમદાવાદના શહેરના બોપલ રોડ પર આવેલી ચિરીપાલ જુથની શાંતિ મુખ્ય કચેરીએ આવકવેરા વિભાગે દરોડા પાડ્યા હતા. શિવરંજની પાસે આવેલા ચિરીપાલ હાઉસ પર પણ દરોડા હતા. 35થી 40 જગ્યાઓ પર દરોડા હતા.
નંદન ડેનિમ અને વિશાલ ડેનિમ પર દરોડા હતા. જયોતિપ્રકાશ ચિરીપાલ, વિશાલ ચિરીપાલ અને રોનક ચિરીપાલને ત્યાં દરોડા હતા. સુરત અને અમદાવાદ એમ બંને શહેરોમાં આવેલી તેમની કચેરીઓ પર દરોડા હતા.
સુરતની સાથે રાજકોટ અને વડોદરાના કેટલાક અધિકારીઓ જુદા જુદા વાહનોમાં એક દિવસ પહેલા જ અમદાવાદ આવી ગયા હતા.ચિરીપાલ ગ્રુપના ચેરમેન વેદપ્રકાશ ચિરિપાલ અને તેમી કંપનીઓ દ્વારા ન્યુ ક્લોથ માર્કેટના કેટલાક વેપારીઓને કરોડો રૂપિયાનું ફંડ આપાયા હોવાની પણ માહિતી હતી. શાહીબાગની રાજસ્થાન હોસ્પિટલ, રાજસ્થાન સેવા સમિતિને મોટી રકમનું દાન આપે છે. ગુરુકુલ રોડ પર આવેલા મહારાજા અગ્રસેન સ્કૂલમાં ટ્રસ્ટી છે. જ્યારે જયોતિપ્રકાશ ચિરીપાલ ચેરમેન છે. કરોડો રુપિયા દાનના ચેકો આપ્યા હોવાની આઇટીને માહિતી મળી હતી. બેન્કની વિગતો ભેગી કરી હતી.
ફરીવાર ચિરીપાલ જૂથની 5થી વધુ જગ્યાએ કાર્યવાહી હાથ ધરાઇ હતી. ડિજિટલ દસ્તાવેજો મળી આવ્યા અને જમીનોમાં કરેલા રોકાણના દસ્તાવેજોની ફાઇલો પણ મોટી સંખ્યામાં મળી આવી હતી. 25 કરોડ રોકડા અને 15 કરોડનું ઝવેરાત મળ્યું હતું. પછી કુલ જવેલરી 50 કરોડને પાર થઇ ગઇ હતી. 800 કરોડના બેનામી આર્થિક વ્યવહારો મળ્યા હોવાનું કહેવાયું હતું. અનેક સ્થળોએ રોકડ, સોના ચાંદીની જ્વેલરી વગેરે મળી હોવાનું અખબારોમાં સુત્રો દ્વારા જાહેર કરાયું હતું. 38 લોકરની તપાસ કરી હતી. 1.50 લાખ ડૉલર ઝડપ્યા. દરોડામાં રૂપિયા 25 કરોડ રોકડા હાથ લાગ્યા હતા. કુલ રૂ. 1 હજાર કરોડના બિનહિસાબી વ્યવહારોની વિગતો મળી આવી હતી.
સિન્ટેક્સ ટાંકી
કપડાના કારોબારમાં રહેલી સિન્ટેક્સ ઇન્ડસ્ટ્રીઝ લિમિટેડ કંપની ઉપર તો EDની રેડ પડે છે. ડિસેમ્બર,2017માં ED દ્વારા અમિત પટેલ અને રાહુલ પટેલની માલિકીની આ પેઢી ઉપર કાર્યવાહી કરીને 48 કરોડની સંપત્તિ જપ્ત કરે છે. અને તેમ છતાં કંપનીને ભાજપ ઉપર પ્રેમ ઉભરી આવે છે અને વર્ષ 2019-20માં એક કરોડ રૂપિયાનું દાન આપે છે.
એગ્રોસેલ ઇન્ડસ્ટ્રીઝ
એગ્રોકેમિકલ બનાવતી કચ્છની એગ્રોસેલ ઇન્ડસ્ટ્રીઝ વિવાદ છે.
2014ના કેગના અહેવાલમાં કચ્છમા 18 હજાર એકર જમીન આપવામાં સરકારી નિયમો તોડવામાં આવ્યા હતા. કંપનીના માલિક દીપેશ શ્રોફ છે. કચ્છ ઉપરાંત કંપનીની મુંબઈ અને ગુડગાંવમાં કોર્પોરેટ ઓફિસ આવેલી છે. વર્ષ 2019થી નિયમિત રીતે એગ્રોસેલ કંપની દાન આપે છે. કંપનીએ ભાજપને વર્ષ 2019-20માં 95 લાખ આપ્યા હતા. અને 2020-21માં પાંચ લાખ તેમજ 2022-23માં 1.72 કરોડનું ચૂંટણી ફંડ BJPને આપ્યું છે.
આ સિવાય લીસ્ટમાં અમવાદની ત્રણ, કચ્છની એક સહીત કુલ ત્રીસ કંપનીનો ચૂંટણી ફંડ અંગેનો અભ્યાસ કરવામાં આવ્યો છે.
સોમ ડિસ્ટિલરીઝ
મધ્યપ્રદેશમાં આવેલી આ કંપની શરાબનું ઉત્પાદન કરે છે. કેન્દ્રની એજન્સીના દરોડા પછી ભાજપને સૌથી વધુ અને ઝડપી ચૂંટણી ભંડોળ આપતી આ કંપની છે. જે.કે. અરોરા અને એ.કે. અરોરા નામના આ બંને ભાઈની કંપનીએ વર્ષ 2018-19માં ભાજપને 4.25 કરોડનું દાન આપ્યું હતું. અને ત્યાર પછીના વર્ષમાં તેઓ ભાજપને ભંડોળ આપતા નથી. જુલાઈ-2020માં GST ઇન્ટેલિજન્સના અધિકારીઓ તેમને આઠ કરોડની ટેક્સ ચોરીના આરોપમાં પકડી લે છે. આ બંનેની બે વખત જામીન અરજી ના મંજુર કરવામાં આવે છે. ત્યારબાદ તેમને જબલપુર હાઈકોર્ટમાંથી જામીન મળે છે. કોર્ટમાંથી જામીન મળ્યાનાં માત્ર દસ જ દિવસ પછી સોમ ડિસ્ટિલરીઝ એક કરોડનું દાન કરે છે. માત્ર એટલું જ નહીં પરંતુ આ જ નાણાકીય વર્ષમાં ઓક્ટોબર અને ડિસેમ્બર મહિનામાં ફરીથી બે ભાગમાં એક કરોડ રૂપિયા ચૂંટણી ફંડમાં જમા કરાવે છે. વર્ષ 2021-22માં આ કંપની મે મહિનામાં વધુ બે કરોડ રૂપિયાનો ફાળો આપે છે. છતાં માત્ર પાંચ મહિના પછી કંપની ઉપર કિંમત નક્કી કરવામાં ગરબડ કરી હોવાના આરોપસર ભારતીય પ્રતિસ્પર્ધા આયોગની રેડ પડે છે. અને ત્યારબાદ ફરી એક વખત આ કંપની જૂન-2022માં એક કરોડ રૂપિયા આપે છે. તેમ છતાં નવેમ્બર-2023માં મધ્યપ્રદેશમાં વિધાનસભાની ચૂંટણી હતી ત્યારે આ કંપની ઉપર કાર્યવાહી થાય છે. અને આ વખતે ઈન્ક્મટેક્સ ડિપાટર્મેન્ટની એન્ટ્રી થાય છે. જેનો કેસ હજુ ચાલે છે.
SNJ ડિસ્ટિલરીઝ
તામિલનાડુમાં આવેલી આ કંપની પણ દારૂ બનાવીને વેચવાનું કામ કરે છે. જેના માલિકનું નામ એસ.એન.જયમુરુગન છે. તેઓ તામિલનાડુના રાજકીય પક્ષ DMKના દિવંગત નેતા એમ.કરુણાનિધિના એક સામે ખાસ વ્યક્તિ હતા. ઓગસ્ટ-2019માં આ કંપની ઉપર ટેક્સ અધિકારીઓ દ્વારા રેડ કરવામાં આવે છે. અને ચાર મહિના પછી આ કંપની પણ ભંડોળ આપવાની ‘લાઈન’માં આવી જાય છે. કંપની દ્વારા માત્ર ચાર મહિના બાદ દરોડા પછીના 1.05 કરોડ રૂપિયાનું ભંડોળ આપે છે. માર્ચ-2021માં SNJ ડિસ્ટિલરીઝ ફરી એક વખત 6 કરોડ આપે છે. અને એપ્રિલ-2021માં જયારે તામિલનાડુમાં વિધાનસભાની ચૂંટણી હતી ત્યારે બરાબર તેના પહેલા તેમની ઉપર દરોડો પડે છે. અને તો પણ વર્ષ 2022-23માં આ જ કંપનીના પ્રુડેન્ટ ઈલેકટોરલ ટ્રસ્ટને પાંચ કરોડનું દાન આપે છે.
KALS ડિસ્ટિલરીઝ
તામિલનાડુમાં શરાબ બનાવતી સૌથી મોટી કંપનીમાં KALS ડિસ્ટિલરીઝની ગણના થાય છે. આ કંપની તામિલનાડુ સરકારને સસ્તા ભાવે દારૂનો જથ્થો પણ પૂરો પાડે છે. એના માલિકનું નામ એસ.વાસુદેવન છે. KALS ડિસ્ટિલરીઝ ઉપર પણ અન્ય કંપનીની જેમ ઓગસ્ટ-2019માં આવકવેરા વિભાગનો દરોડો પડે છે. અને 300 કરોડની ટેક્સ ચોરીનો આરોપ લાગે છે. ઈન્ક્મટેક્સ ડિપાર્ટમેન્ટની કાર્યવાહીના તરત જ પછીના વર્ષે આ કંપની પાંચ કરોડ રૂપિયા ચૂંટણી ફંડમાં આપે છે.
IRB ઇન્ફ્રાસ્ટ્રક્ચર ડેવલોપમેન્ટ લિમિટેડ : મુંબઈની આ કંપની ઇન્ફ્રાસ્ટ્રક્ચર ક્ષેત્રની મોટી કંપની છે. જેના માલિક વીરેન્દ્ર મહેષકર છે. કંપની દ્વારા છેલ્લા એક દાયકા દરમિયાન ભાજપને સતત ભંડોળ આપવામાં આવેલું છે. વર્ષ 2013-14માં 2.3 કરોડની શરૂઆતથી લઈને કંપનીએ 2014-15માં 14 કરોડ આપ્યા હતા. એક RTI કાર્યકરતા દ્વારા કંપની વિરુદ્ધ ફ્રોડ અને જમીન પડાવી લેવાના મામલામાં CBIની એન્ટ્રી થાય છે. અને આ સમયગાળા દરમિયાન ભાજપને મળતી દાનની રકમમાં મોટો ઉછાળો જોવા મળે છે.
વર્ષ 2014થી 2023 દરમિયાન IRBની બે અન્ય કંપની મોર્ડન રોડ મેકર્સ અને આઇડિયલ રોડ બિલ્ડર દ્વારા ભાજપને 84 કરોડનું ભંડોળ મળેલું છે. ગયા વર્ષે CAGના એક રિપોર્ટમાં આ કંપની સામે હાપુડ-મુરાદાબાદ નેશનલ હાઈવેનો કોન્ટ્રાક્ટમાં 68 ટકા ઓછા પ્રિમિયમથી મળ્યો હતો. નેશનલ હાઇવે ઓથોરિટી ઓફ ઇન્ડિયા (NHAI)એ તેને આ કોન્ટ્રાક્ટ આપ્યો હતો. ગુજરાતમાં પણ રોડ તૈયાર કરવાના કોન્ટ્રાકટ આ કંપનીને મળેલા છે.
USV પ્રાયવેટ લિમિટેડ
ફાર્મા અને બાયોટેક્નોલોજીના વ્યસાય સાથે સંકળાયેલી આ કામની મુંબઈની છે. USV કંપની સામે વર્ષ 2017માં આયકર વિભાગ દ્વારા રેડ કરવામાં આવી હતી. પોતાની દવાઓ લખી આપવા બદલ તબીબોને કમિશન આપવાનો આરોપ પણ આ કંપની સામે લાગેલો છે. દરોડાના એક મહિનામાં જ કંપની BJPને નવ કરોડ રૂપિયાનું ચૂંટણી ફંડ આપે છે.
ક્રિસ્ટી ફ્રિડગ્રામ
તામિલોનાડુમાં આવેલી આ ફૂડ પ્રોસેસિંગ કરતી કંપની મધ્યાન ભોજન માટેની સામગ્રી સપ્લાય કરે છે. તેની ઉપર 1300 કરોડની જાહેર ન કરેલી આવકનો કેસ કરવામાં આવે છે. આ ઉપરાંત તેની સામે નેતાઓ અને અધિકારીઓને 2400 કરોડની લાંચનો આરોપ પણ લાગે છે. અને પછી ત્રણ નાણાકીય વર્ષમાં આ કંપની ત્રણ ભાગમાં 5.87 કરોડનું ભાજપને દાન આપે છે. આ પ્રકારે અન્ય કંપનીઓ જેમાં હૈદરાબાદની યશોદા હોસ્પિટલ્સ અને હેટરો ફાર્મા કંપની, ભારતની સૌથી મોટી લોટરીની કંપની ફયુચર ગેમિંગ એન્ડ હોટેલ સર્વિસીઝ પ્રાયવેટ લિમિટેડ, ચેન્નાઇની લલીથા જવેલરી, હૈદરાબાદની અરબિંદો રિયાલ્ટી એન્ડ ઇન્ફ્રાસ્ટ્રક્ચર પ્રાયવેટ લિમિટેડ, નમકીન માટેની જાણીતી કંપની હલ્દીરામ સ્નેક્સ પ્રાયવેટ લિમિટેડ, રાજસ્થાનમાં આવેલી SPML ૐ મેટલ, આસામની કોલસાના ક્ષેત્રની મહાલક્ષ્મી ગ્રુપ ઓફ કંપનીઝ, ઉદયપુરની પેસિફિક એક્સપોર્ટ, પૂર્વોત્તરના રાજ્યોમાં આવેલી મેઘાલય સિમેન્ટ્સ લિમિટેડ, હૈદરાબાદની આઈલેબ્સ ટેક્નોલોજીસ, બેંગ્લોરની માઈક્રોલેબ્સ, તામિલનાડુની સિમેન્ટ કંપની રામકો ગ્રુપ, આંધ્ર પ્રદેશની KPC પ્રોજેક્ટ્સ લિમિટેડ, બેંગ્લોરની બ્રિગેડ એન્ટરપ્રાઈઝ લિમિટેડ, હૈદ્રાબાદની BGR માઇનિંગ ઇન્ફ્રા, તામિલનાડુની ચેન્નાઈ વુડ્સ પ્રાઇવેટ લીમટેડ અને ચેન્નાઈની MGM ગ્રુપ ઓફ કંપનીઝ ઉપર કેન્દ્રની ઈન્ક્મટેક્સ, GST, CBI અને ED વગેરી જેવી એજન્સીઓના દરોડા પછી કરોડો રૂપિયાનું ભંડોળ મળ્યું હોવાનો આક્ષેપ કરવામાં આવે છે.
આ પ્રકારે અન્ય કંપનીઓ જેમાં હૈદરાબાદની યશોદા હોસ્પિટલ્સ અને હેટરો ફાર્મા કંપની, ભારતની સૌથી મોટી લોટરીની કંપની ફયુચર ગેમિંગ એન્ડ હોટેલ સર્વિસીઝ પ્રાયવેટ લિમિટેડ, ચેન્નાઇની લલીથા જવેલરી, હૈદરાબાદની અરબિંદો રિયાલ્ટી એન્ડ ઇન્ફ્રાસ્ટ્રક્ચર પ્રાયવેટ લિમિટેડ, નમકીન માટેની જાણીતી કંપની હલ્દીરામ સ્નેક્સ પ્રાયવેટ લિમિટેડ, રાજસ્થાનમાં આવેલી SPML ૐ મેટલ, આસામની કોલસાના ક્ષેત્રની મહાલક્ષ્મી ગ્રુપ ઓફ કંપનીઝ, ઉદયપુરની પેસિફિક એક્સપોર્ટ, પૂર્વોત્તરના રાજ્યોમાં આવેલી મેઘાલય સિમેન્ટ્સ લિમિટેડ, હૈદરાબાદની આઈલેબ્સ ટેક્નોલોજીસ, બેંગ્લોરની માઈક્રોલેબ્સ, તામિલનાડુની સિમેન્ટ કંપની રામકો ગ્રુપ, આંધ્ર પ્રદેશની KPC પ્રોજેક્ટ્સ લિમિટેડ, બેંગ્લોરની બ્રિગેડ એન્ટરપ્રાઈઝ લિમિટેડ, હૈદ્રાબાદની BGR માઇનિંગ ઇન્ફ્રા, તામિલનાડુની ચેન્નાઈ વુડ્સ પ્રાઇવેટ લીમટેડ અને ચેન્નાઈની MGM ગ્રુપ ઓફ કંપનીઝ ઉપર કેન્દ્રની ઈન્ક્મટેક્સ, GST, CBI અને ED વગેરી જેવી એજન્સીઓના દરોડા પછી કરોડો રૂપિયાનું ભંડોળ મળ્યું હોવાનો આક્ષેપ કરવામાં આવે છે.
2017ની ગુજરાત વિધાનસભાની ચૂંટણીમાં એ બી જનરલ ઈલેક્ટોલ ટ્રસ્ટ દ્વારા રૂ.12.50 કરોડ જેવી જંગી રકમ આપવામાં આવી હતી, પણ કોંગ્રેસને તો માત્ર રૂ.1 કરોડ જ આપવામાં આવ્યા હતા. જો કોંગ્રેસ પાસે એક કરોડના બદલે 12 કરોડનું ફંડ ઉદ્યોગોએ આપ્યું હોત તો તેને બીજી 5થી 7 બેઠકો મળતી હતી.
ભાજપને 2017-18માં રૂ. 990 કરોડનું ચૂંટણી ફંડ મળ્યું હતું. કોંગ્રેસ પાર્ટીને રૂ. 55.36 કરોડ મળ્યા હતા જ્યારે ભાજપને તેનાથી 16 ગણા એટલે કે 900 કરોડથી વધુ મળ્યા હતા.
વર્ષ 2012થી લઇને 18 સુધી ભજપને રૂ. 1621 કરોડનું ફંડ કોર્પોરેટથી મળ્યું હતું જે છ વર્ષમાં કુલ કોર્પોરેટ ફંડિંગનું 83.49 ટકા જેટલું છે.
