હવે સૌરાષ્ટ્રવાસીઓને ટ્રેનમાં જવા માટે લાંબી લાઈનમાં ઉભુ નહીં રહેવું પડે, રેલ્વેએ કરી આ વ્યવસ્થા

માહિતી મુજબ સૌરાષ્ટ્રની 14 ટ્રેનમાં વધારાના કોચ જોડવા પશ્ચિમ રેલવે દ્વારા નિર્ણય લેવામાં આવ્યો છે. સાથે લાંબા અંતરની 7 ટ્રેનોમાં કાયમી 7 કોચ જોડાશે. મુદ્દા સાથે સંકળાયેલ અધિકારીએ જણાવ્યું કે 7 ટ્રેનમાં હંગામી ધોરણે નવા કોચ જોડાશે. ઉપરાંત તેમણે કહ્યું કે પશ્ચિમ રેલવે દ્વારા આ નિર્ણય ભારે ટ્રાફિકને પહોંચી વળવા માટે લેવામાં આવ્યો છે.

ઉલ્લેખનીય છે કે હાલના સમયમાં લોકો દ્વારા મોટાભાગે ટ્રેનથી મુસાફરી કરવામાં આવે છે. જેના કારણે ટ્રાફિક દિવસે-દિવસે વધી રહ્યો છે. જ્યારે વેઇટિંગ લિસ્ટમાં પણ વધારો થઈ રહ્યો છે. આ જોતા હવે પશ્ચિમ રેલવે દ્વારા ટ્રેનોમાં કોચ વધારવાનો નિર્ણય લેવામાં આવ્યો છે. સૌરાષ્ટ્રની 14 ટ્રેનમાં વધારાના કોચ જોડાશે.