નોકરી સાથે ભણવાનું સપનું થશે પૂરું, ઇગ્નુમાં ડિપ્લોમા અને ડિગ્રી કોર્સ માટેની લિંક થઈ એક્ટિવ
ઘર બેઠા અથવા નોકરીની સાથે પોતાનો અભ્યાસ ચાલુ રાખવાનું સપનું જોતા વિદ્યાર્થીઓ માટે એક મોટા અને મહત્વના સમાચાર છે. દેશની સૌથી મોટી ઓપન યુનિવર્સિટી, ઇન્દિરા ગાંધી રાષ્ટ્રીય મુક્ત વિશ્વવિદ્યાલય (IGNOU) એ જુલાઈ ૨૦૨૬ સત્ર (July 2026 Session) માટે એડમિશન પ્રક્રિયા શરૂ કરી દીધી છે.
યુનિવર્સિટીએ ઓપન ડિસ્ટન્સ લર્નિંગ (ODL) અને ઓનલાઇન (Online) બંને માધ્યમો હેઠળ ચલાવવામાં આવતા વિવિધ અંડરગ્રેજ્યુએટ (UG), પોસ્ટગ્રેજ્યુએટ (PG), ડિપ્લોમા અને પીજી ડિપ્લોમા પ્રોગ્રામ્સ માટે અરજીઓ મંગાવી છે. જે પણ વિદ્યાર્થીઓ આ કોર્સમાં એડમિશન લેવા માંગે છે, તેઓ 15 જુલાઇ 2026 સુધી ઓનલાઇન ફોર્મ ભરી શકે છે.
નોકરીયાત અને અંતરિયાળ વિસ્તારના વિદ્યાર્થીઓ માટે ઉત્તમ તક
ઇગ્નુનું જુલાઈ સત્ર એ લાખો વિદ્યાર્થીઓ માટે એક શાનદાર તક લઈને આવે છે, જેઓ કોઈ કારણોસર રેગ્યુલર (Regular) કોલેજ જઈ શકતા નથી. તમે જોબ કરી રહ્યા હોવ કે પછી કોઈ અંતરિયાળ ગામડા કે વિસ્તારમાં રહેતા હોવ, ઇગ્નુ તમને ઘરે બેઠા ઉચ્ચ શિક્ષણ મેળવવાની આઝાદી આપે છે.
આ વખતે પણ યુનિવર્સિટીએ યુજી, પીજી અને ડિપ્લોમા લેવલ પર અનેક પ્રકારના કોર્સ બહાર પાડ્યા છે. ખાસ ધ્યાન રાખવું કે ઓડીએલ (ODL) કોર્સ માટે વિદ્યાર્થીઓએ ઇગ્નુની ઓફિશિયલ એડમિશન વેબસાઇટ પર જવું પડશે, જ્યારે ઓનલાઇન પ્રોગ્રામ્સ માટે યુનિવર્સિટીએ એક અલગ ડિજિટલ પોર્ટલ ઉપલબ્ધ કરાવ્યું છે.
એડમિશન માટે સૌથી જરૂરી: APAAR ID ફરજિયાત છે
આ વર્ષે ઇગ્નુ એડમિશન પ્રક્રિયામાં સૌથી મોટો અને મહત્વપૂર્ણ બદલાવ APAAR ID ને લઈને કરવામાં આવ્યો છે. યુનિવર્સિટીએ સ્પષ્ટ કરી દીધું છે કે ફોર્મ ભરવાનું શરૂ કરતા પહેલાં વિદ્યાર્થીઓ પાસે ‘અપાર આઈડી’ (APAAR ID) હોવી અનિવાર્ય છે. એના વગર ફોર્મ સ્વીકારવામાં આવશે નહીં.
શું છે APAAR ID?
આ ભારત સરકારની ‘વન નેશન, વન સ્ટુડન્ટ આઈડી’ યોજનાનો એક ભાગ છે. આ એક ડિજિટલ એકેડેમિક એકાઉન્ટ છે, જેમાં વિદ્યાર્થીના તમામ શૈક્ષણિક રેકોર્ડ અને ક્રેડિટ સ્કોર ડિજિટલ રૂપે સુરક્ષિત રહે છે.
આ સાથે જ, યુનિવર્સિટીએ એ પણ જણાવ્યું છે કે એડમિશન કન્ફર્મ થયા પછી જે વિદ્યાર્થીઓ આના માટે પાત્ર (Eligible) હશે, તેઓ નેશનલ સ્કોલરશિપ પોર્ટલ (NSP) ના માધ્યમથી કેન્દ્ર સરકારની સ્કોલરશિપ યોજનાઓ માટે પણ એપ્લાય કરી શકશે.
સ્ટેપ-બાય-સ્ટેપ ગાઇડ: આ રીતે કરો ઓનલાઇન રજિસ્ટ્રેશન
જો તમે ઇગ્નુમાં પહેલીવાર ફોર્મ ભરી રહ્યા હોવ, તો તમારે નીચે આપેલી પ્રોસેસ ફોલો કરવાની રહેશે:
-
નવું એકાઉન્ટ બનાવો: સૌથી પહેલાં ઓફિશિયલ પોર્ટલ પર જાઓ અને “New Registration” ઓપ્શન પર ક્લિક કરીને તમારું એકાઉન્ટ બનાવો.
-
યુઝરનેમ અને પાસવર્ડ: રજિસ્ટ્રેશન દરમિયાન તમારે તમારું યુઝરનેમ ૮ થી ૧૬ અક્ષરોની વચ્ચે રાખવાનું રહેશે. વળી, પાસવર્ડ ‘આલ્ફા-ન્યૂમેરિક’ (જેમાં અક્ષરો, આંકડા અને સ્પેશિયલ કેરેક્ટર જેમ કે @, # સામેલ હોય) રાખવો ફરજિયાત છે.
-
ઓટીપી વેરિફિકેશન: ફોર્મમાં તમારો ચાલુ હોય તેવો જ મોબાઈલ નંબર અને ઈમેલ આઈડી નાખવો, કારણ કે તેના પર ઓટીપી (OTP) મોકલીને વેરિફિકેશન કરવામાં આવશે.
-
લોગિન ડિટેલ્સ: રજિસ્ટ્રેશન પૂરું થતાની સાથે જ તમારી લોગિન ડિટેલ્સ તમારા ઈમેલ અને એસએમએસ (SMS) દ્વારા તમને મોકલી દેવામાં આવશે.
અરજી કરવા માટે જરૂરી દસ્તાવેજો
અરજી કરવા માટે જરૂરી દસ્તાવેજોફોર્મ ભરતા પહેલાં નીચે આપેલા તમામ જરૂરી ડોક્યુમેન્ટ્સની સ્કેન કોપી નક્કી કરેલી સાઈઝ અને સાચા ફોર્મેટમાં તમારી પાસે તૈયાર રાખો:
-
પાસપોર્ટ સાઇઝ ફોટો અને ડિજિટલ સિગ્નેચર (સહી)
-
શૈક્ષણિક પ્રમાણપત્રો (Educational Certificates) જેવા કે ૧૦મી, ૧૨મી કે ગ્રેજ્યુએશનની માર્કશીટ
-
કેટેગરી સર્ટિફિકેટ (જો તમે અનામત વર્ગમાં આવતા હોવ અને ફી માફી કે છૂટછાટનો લાભ લેવા માંગતા હોવ)
-
અનુભવનું પ્રમાણપત્ર (Experience Certificate – જો કોર્સ માટે જરૂરી હોય તો)
ફી રિફંડ (Refund Policy)ને લગતા નિયમો
ઇગ્નુએ ફી પરત મેળવવાના નિયમો અંગેની સ્થિતિ બિલકુલ સ્પષ્ટ કરી દીધી છે, જેથી પાછળથી વિદ્યાર્થીઓને કોઈ મૂંઝવણ ન રહે:
-
રજિસ્ટ્રેશન ફી: ફોર્મ ભરતી વખતે લેવામાં આવતી શરૂઆતની રજિસ્ટ્રેશન ફી કોઈ પણ સંજોગોમાં પરત (Non-Refundable) કરવામાં આવશે નહીં.
-
એડમિશન કન્ફર્મ થતા પહેલાં: જો યુનિવર્સિટી તરફથી તમારું એડમિશન હજી કન્ફર્મ ન થયું હોય અને તમે નામ પાછું ખેંચો છો, તો તમારી કોર્સ ફી રિફંડ કરી દેવાશે.
-
એડમિશન કન્ફર્મ થયા પછી: જો એડમિશન પ્રોસેસ પૂરી થયા પછી તમે તમારું નામ રદ્દ (Cancel) કરાવો છો, તો નક્કી કરેલા નિયમો મુજબ થોડો વહીવટી ચાર્જ કાપીને બાકીની રકમ પરત કરવામાં આવશે.
-
60 દિવસ પછી કોઈ રિફંડ નહીં: એડમિશનની છેલ્લી તારીખ પૂરી થયાના ૬૦ દિવસ પછી કોઈ પણ પ્રકારની ફી પરત મેળવવાનો દાવો સ્વીકારવામાં આવશે નહીં.
જો તમે પણ ઇગ્નુમાંથી ડિગ્રી કે ડિપ્લોમા કરવા માંગતા હોવ, તો છેલ્લી તારીખની રાહ ન જોતા. અંતિમ દિવસોમાં વેબસાઇટ પર ભારે ટ્રાફિકના કારણે સર્વર ડાઉન થવાની સમસ્યા સામાન્ય છે. તેથી તમારી APAAR ID તૈયાર કરો, ડોક્યુમેન્ટ્સ રી-ચેક કરો અને સમયસર ઇગ્નુની સત્તાવાર વેબસાઇટ પર જઈને તમારું ફોર્મ ભરી લો.
