કર્ણાટક હાઈકોર્ટે હુબલ્લી-ધારવાડના ઈદગાહ મેદાનમાં ગણેશ ચતુર્થીની ઉજવણી કરવા મંજૂરી આપી છે. કોર્ટે ધાર્મિક કાર્યને મંજૂરી ન આપવાની અરજીઓ ફગાવી દીધી છે.
ગ્રાઉન્ડમાં ગણેશ મૂર્તિ સ્થાપિત કરવાની તૈયારીઓ ચાલી રહી છે.
આ મામલે સુનાવણી કરતા કર્ણાટક હાઈકોર્ટે કહ્યું કે આમાં કોઈ વિવાદ નથી.
તે જ સમયે, સરકાર વતી દલીલ કરવામાં આવી હતી કે મિલકત વિવાદિત છે, પરંતુ આ દલીલ પણ કોર્ટે ફગાવી દીધી હતી. જો કે આ પહેલા આ મામલે સુપ્રીમ કોર્ટમાં મોડી રાત્રે સુનાવણી હાથ ધરવામાં આવી હતી. સર્વોચ્ચ અદાલતે બંને પક્ષો વતી યથાસ્થિતિ જાળવી રાખવાનો આદેશ આપ્યો હતો. આ સાથે, કેસના પક્ષકારોને વિવાદ નિવારણ માટે કર્ણાટક હાઈકોર્ટનો સંપર્ક કરવાનો નિર્દેશ આપવામાં આવ્યો હતો. જે બાદ હાઇકોર્ટે મોડી રાત્રે આ આદેશ આપ્યો હતો.
અંજુમન-એ-ઈસ્લામે દાવો કર્યો હતો કે વિવાદિત સંપત્તિને પૂજાના સ્થળો અધિનિયમ, 1991 હેઠળ સુરક્ષિત કરવામાં આવી હતી, જે જણાવે છે કે કોઈ પણ ધાર્મિક પૂજા સ્થળનું રૂપાંતર કરી શકાતું નથી.
હાઇકોર્ટે કહ્યું કે, તે ધાર્મિક પૂજાનું સ્થળ નથી અને બકરીદ અને રમઝાન દરમિયાન જ નમાજ માટે પણ પરવાનગી આપવામાં આવી હતી.
અન્ય સમયે, તેનો ઉપયોગ બજાર અને પાર્કિંગ જેવા હેતુઓ માટે થતો હતો. હાઈકોર્ટે કહ્યું કે બેંગલુરુના ચામરાજપેટ મેદાનમાં યથાસ્થિતિ જાળવી રાખવાનો સુપ્રીમ કોર્ટનો આદેશ પણ આ મામલાને લાગુ પડતો નથી.
