ઉત્તરાખંડ ના દહેરાદૂન માં પણ છ કાગડાઓ ના ભેદી મોત થતા એલર્ટ અપાયું છે. દેશ માં બર્ડ ફલૂ ની દહેશત ઉભી થઇ છે અને રાજસ્થાન અને એમપી બાદ ઉત્તરાખંડમાં પણ એલર્ટ જાહેર કરવામાં આવ્યું છે. ઉત્તરપ્રદેશના નોઇડામાં તો એક આઈસોલેશન વોર્ડ પણ બનાવવામાં આવ્યો છે. ઉત્તરાખંડ સરકારના જણાવ્યા અનુસાર દહેરાદૂનમાં બે સ્થળ પર છ મરેલા કાગડા મળી આવ્યા હતા અને તે તમામને ટેસ્ટિંગ માટે મોકલવામાં આવ્યા છે, કે જેથી બર્ડ ફ્લૂને લગતી આશંકાને દૂર કરી શકાય. જો કે રિપોર્ટ ના આવે ત્યાં સુધી રાજ્યમાં બર્ડ ફ્લૂ માટેની સાવચેતી લાગુ કરી દેવામાં આવી છે. ઉત્તરપ્રદેશના નોઇડામાં પણ એલર્ટ જાહેર કરવામાં આવ્યું છે. જિલ્લાની હોસ્પિટલમાં છ બેડનો આઈસોલેશન વોર્ડ તૈયાર કરવામાં આવ્યો હતો. અત્રે નોંધનીય છે કે દેશના લગભગ એક ડઝન રાજ્યોમાં બર્ડ ફ્લૂને લઇને એલર્ટ જાહેર કરવામાં આવ્યો છે.
