નવી દિલ્હીઃ ચૂંટણીપંચ પણ ડિજિલાઇઝેશનના પંથે આગળ વધી રહ્યુ છે તેનાતી મતદાતાઓને મોટી રાહત મળશે. ચૂંટણીપંચે એક મોટો અને મહત્વપૂર્ણ નિર્ણય લીધો છે જે હેઠળ હવે મતદાતાઓ આધારકાર્ડની જેમ પોતાનું ચૂંટણી કાર્ડ પણ ડિજિટલ ફોર્મેટમાં મેળવી શકશે એટલે કે મતદારોને ડિજિટલ ઇલેક્શન કાર્ડ મળશે. અત્યાર સુધી લિમિનેશનવાળા કાગળના અને વોટરપ્રુફ ચૂંટણી કાર્ડ આપવામાં આવી રહ્યા છે. હવે મતદાતાઓને ડિજિટલ ઇલેક્શન કાર્ડ મળશે.
આગામી સમયમાં વોર્ટસ આધાર કાર્ડની માફક વોટર આઈડી કાર્ડને પણ ડિજીટલ ફોર્મેટમાં પોતાની પાસે રાખી શકશે. જો કે, હાલમાં જે કાર્ડ છે, તેનો પણ ઉપયોગ તો ચાલુ જ રહેશે. હાલના કાર્ડહોલ્ડર્સને વોટર હેલ્પલાઈન એપ દ્વારા કેવાઈસી કરાવા પર જ આ સુવિધાનો લાભ મળશે. ચૂંટણી પંચનો ઉદ્દેશ્ય મતદારોને ઈલેક્ટર્સ ફોટો આઈડેંટિટી કાર્ડની સુવિધા સરળતાથી ઉપલબ્ધ કરાવાનો છે.
ચૂંટણી પંચના આ નિર્ણય બાદ મતદારો પોતાનું ચૂંટણી કાર્ડ ઈન્ટરનેટ પરથી ડાઉનલોડ પણ કરી શકશે. એટલુ જ નહીં ડિજીટલ કાર્ડ દ્વારા પોતાના મતાધિકારનો ઉપયોગ પણ કરી શકશે. આ ઉપરાંત મતદારોને ચૂંટણી કાર્ડમાં મોડુ થવાના કારણે આવતી મુશ્કેલીઓમાંથી પણ છૂટકારો મળી જશે.
ચૂંટણી પંચના આ નિર્ણય બાદ રેકોર્ડમાં નોંધાયેલા ઓવરસીઝ મતદારોને પણ ડિજીટલ વોટર કાર્ડની સવિધાનો લાભ મળશે. જો કે, હાલમાં વિદેશમાં રહેતા ભારતીયોને મતદાનની સુવિધા આપવામાં આવી નથી. ચૂંટણી પંચે તેને લઈને એક પ્રસ્તાવ કેન્દ્ર સરકારની પાસે મોકલી આપ્યો છે. ઓવરસીઝ ભારતીયોને ચૂંટણી કાર્ડ પણ આપવામાં આવતુ નથી. ત્યારે હવે આ નિર્ણય બાદ ઓવરસીઝ મતદારો પણ ઈપીઆઈસી એટલે કે, ડિજીટલ વોટર કાર્ડ ડાઉનલોડ કરી શકશે. જો કોઈ વ્યક્તિ એક જગ્યાએથી બીજી જગ્યાએ શિફ્ટ થવા માગે છે તો, કેવાઈસી દ્વારા નવા વોટર કાર્ડમાં સુધારો કરી ડાઉનલોડ કરી શકશે.
