દેશમાં મોંઘવારી એટલી બધી હદે વધી ગઈ છે કે લોકોને ઘર ચલાવવું મુશ્કેલ બની ગયું છે, પેટ્રોલ, ડીઝલ,ગેસ,ખાદ્યતેલો સહિતની ચીજવસ્તુઓ પહેલે થીજ મોંઘી છે ત્યારે હવે બાકી રહેતું હોય તેમ હવે લોટ,દાળ,દૂધ,દહીં સહિતની ચીજવસ્તુઓ મોંઘી થઈ જવા ઉપરાંત હોસ્પિટલમાં સારવારનો ખર્ચ વધતા હવે લોકો મોંઘવારીના માર થી બેવડ વળી ગયા છે, કારણ કે જે લોકો ખાનગી નોકરી ઉપર નિર્ભર છે તેવા લોકોના પગાર વધતા નથી અને ટૂંકા પગારમાં ઘર ચલાવતા લોકો મોંઘવારી મુજબ આવક નહિ જળવાતા મોટાભાગના પરિવારો બેહાલ થઈ જાય તેવી સ્થિતિ છે.
કારણ કે GST કાઉન્સિલની બેઠકમાં ટેટ્રા પેક્ડ દહીં, લસ્સી અને બટર મિલ્ક પર 5% GST વસૂલવાનો નિર્ણય લેવાતા હવે અન્ય વસ્તુઓ આજથી મોંઘી થઈ જશે.
જે વસ્તુઓ મોંઘી થઈ જવાની છે અને તે વસ્તુઓ ઉપર જીએસટી લાગુ કરવામાં આવી છે તમાં વિગતે જોઈએ તો અનબ્રાન્ડેડ પ્રી-પેકેજ અને પ્રી-લેબલવાળા લોટ અને દાળ પર પણ 5% GST વસૂલવામાં આવશે.
LED લાઇટ અને LED લેમ્પ પર 18% GST
સરકારે બ્લેડ, પેપર સિઝર્સ, પેન્સિલ શાર્પનર, ચમચી, ફોર્ક્ડ સ્પૂન, સ્કિમર અને કેક સર્વિસ વગેરે પર GST વધાર્યો છે. હવે તેના પર 18%ના દરે GST વસૂલવામાં આવશે. એટલું જ નહીં, એલઇડી લાઇટ અને એલઇડી લેમ્પ પરનો જીએસટી પણ 12 ટકાથી વધારીને 18 ટકા કરવામાં આવ્યો છે.
જો હોસ્પિટલમાં સારવાર લેવાનું થશે તો મોંઘુ થશે કેમકે હોસ્પિટલ દ્વારા દરરોજ રૂ. 5000 થી વધુમાં રૂમ આપવામાં આવે છે, તો 5% ના દરે GST ચૂકવવો પડશે. આમાં ICU, ICCU, NICU, રૂમ પર છૂટ લાગુ પડશે.
હોટેલ રૂમ રાખવો હશે તો પણ વધુ પૈસા ચૂકવવા પડશે
હાલમાં, 1000 રૂપિયાથી ઓછી કિંમતના હોટેલ રૂમ પર કોઈ GST નથી, પરંતુ હવે આવા રૂમ પર પણ 12% ના દરે GST લાગશે ઉપરાંત મુસાફરી માટે ટ્રેનમાં બિઝનેસ ક્લાસની મુસાફરી મોંઘી થશે
ડ્રાયફ્રુટ્સ, મસાલા, કોપરા, ગોળ, કપાસ, શણ, તમાકુ, તેંદુના પાન, ચા, કોફી વગેરેના વેરહાઉસમાં સંગ્રહ કરવાની સેવાઓ, જે અત્યાર સુધી ટેક્સમાંથી મુક્ત હતી, તેને હવે ટેક્સના નેટ હેઠળ લાવવામાં આવતા આ બધું મોંઘુ થશે.
આમ, હવે મોંઘવારી વધતા લોકો ત્રાહિમામ પોકારી ઉઠ્યા છે અને બે છેડા ભેગા કરવામાં મુશ્કેલીઓ અનુભવી રહયા છે, આવા મધ્યમ વર્ગીય પરિવારો મોંઘવારી સામે આવક વધે તેવી પણ કોઈ જોગવાઈ અમલમાં લાવે તેવી માંગ ઉઠી છે કારણ કે આવકની સરખામણીમાં મોંઘવારી વધતા બધાના એસ્ટીમેન્ટ ખોરવાઇ ગયા છે.
