મૌલાના મદનીએ કહ્યું હતું કે હિન્દુ અને મુસલમાનના પૂર્વજો એક સમાન જ છે. મદનીએ કહ્યું- તમારા પૂર્વજો હિન્દુ ન હતા, તેઓ મનુ હતા, એટલે કે આદમ. તેમના નિવેદનના વિરોધમાં અધિવેશનમાં પધારેલા વિવિધ ધર્મગુરુઓ સ્ટેજ છોડીને ચાલ્યા ગયા હતા.
દિલ્હીના રામલીલા મેદાનમાં જમીયત ઉલેમા-એ-હિન્દના 34માં અધિવેશનના અંતિમ દિવસે મૌલાના મદનીએ કહ્યું- મેં પૂછ્યું કે જ્યારે કોઈ નહોતું. ત્યારે ત્યાં ન તો શ્રી રામ હતા, ન બ્રહ્મા હતા, ન તો શિવ હતા, જ્યારે કોઈ નહોતું ત્યારે મનુ કોની પૂજા કરતા હતા? કેટલાક કહે છે કે તેઓ શિવની પૂજા કરતા હતા. બહુ ઓછા લોકો કહે છે કે મનુ ઓમની પૂજા કરતા હતા. ઓમ કોણ છે? ઘણા લોકોએ કહ્યું કે તેનું કોઈ સ્વરૂપ કે રંગ નથી. તેઓ વિશ્વમાં દરેક જગ્યાએ છે. અરે બાબા, તેને અમે અલ્લાહ કહીએ છીએ. તમે ભગવાન કહો છો.
મૌલાના મદનીએ કહ્યું, ‘હઝરત આદમ જે પયગંબર હતા, સૌથી પહેલા તેઓ ભારતની ધરતી પર પ્રથમ ઉતર્યા હતા. જો તે ઇચ્છતા હોત, તો તેણે આદમને આફ્રિકા, અરેબિયા, રશિયામાં ઉતાર્યા હોત. તે પણ આપણે જાણીએ છીએ, આપણે એ પણ જાણીએ છીએ કે આદમને દુનિયામાં લાવવા માટે ભારતની ભૂમિ જ પસંદ કરવામાં આવી હતી.
મદનીએ કહ્યું- મેં મોટા ધર્મગુરુઓને પૂછ્યું કે અલ્લાહે ધરતી પર જે પહેલા માણસ મોકલ્યો હતો તે કોની પૂજા કરતા હતા. આદમ વિશ્વની અંદર એકલા હતા, તેમને શું કહો છો. લોકો જુદી જુદી વાતો કહે છે. ધર્મગુરુઓએ કહ્યું કે અમે તેને મનુ કહીએ છીએ, તો અમે તેને આદમ કહીએ છીએ, અંગ્રેજી બોલતા લોકો તેને એડમ કહે છે. અમે આદમના બાળકોને માણસ અને આ મનુના બાળકોને મનુષ્ય કહીએ છીએ.
