ઝારખંડની રાજધાની રાંચીમાં ફાટી નીકળેલી હિંસા અંગે હવે કેટલાક મોટા ખુલાસા થવા લાગ્યા છે. સૂત્રોના જણાવ્યા અનુસાર, જો રાંચી પોલીસ એલર્ટ ન હોત તો હિંસા વધુ ખતરનાક સ્વરૂપ ધારણ કરી શકી હોત.
મીડિયા રિપોર્ટમાં આ હિંસા અંગે જે ખુલાસો થયો છે તે તમને ચોંકાવનારો છે. મીડિયા રિપોર્ટમાં કહેવામાં આવ્યું છે કે આ હિંસા ભડકાવવા માટે ઉત્તર પ્રદેશમાંથી ફંડિંગ કરવામાં આવ્યું હતું. હિંસાને વધુ ઉગ્ર બનાવવા માટે યુપીના સહારનપુરથી પણ 100થી વધુ યુવાનોને મોકલવામાં આવ્યા હતા. આ તમામ યુવકો એક અઠવાડિયા પહેલા જ રાંચી આવ્યા હતા અને ખતરનાક ષડયંત્ર રચવા લાગ્યા હતા.
મીડિયા રિપોર્ટ્સ અનુસાર, 4 જૂનથી હિંસા ભડકાવવાની યોજના શરૂ કરવામાં આવી હતી.
કહેવામાં આવી રહ્યું છે કે આ યોજનાને સફળ બનાવવા માટે યુપીના સહારનપુરથી 12 લોકોની ટીમ 4 અને 7 જૂને રાંચી પહોંચી હતી. આ લોકો મુખ્ય માર્ગ પર આવેલી હોટલમાં રોકાયા હતા. અહીંથી ફરી ત્રણ ટીમો બનાવવામાં આવી હતી. એક ટીમ પણ ખીંટી ગઈ હતી. તેમણે ઇલાહી નગર, હિંદપીરી અને ગુડ્ડીમાં સભાઓ યોજીને યુવાનોને સરઘસો અને હિંસક પ્રદર્શનો કરવા માટે ઉશ્કેર્યા હતા. યુવાનોને સમુદાયનું નામ આપીને પોલીસ સામે પથ્થરમારો કરવાનું કહેવામાં આવ્યું હતું. બધાએ આયોજનબદ્ધ રીતે પથ્થરો એકઠા કર્યા હતા અને આગ માટે પેટ્રોલ પણ સાથે રાખવામાં આવ્યું હતું.
સહારનપુરના લોકોએ રાંચીના યુવાનોને ઉશ્કેરીકહ્યું કે યુપીમાં આપણા ધર્મને નિશાન બનાવવામાં આવી રહ્યો છે તેથીઆપણે આપણી તાકાત બતાવવી પડશે. દેશભરમાં નમાઝ બાદ દેખાવો થશે. અહીં પણ પુરી તાકાતથી વિરોધ કરવાનો છે. તમામ મસ્જિદોમાંથી સરઘસ કાઢવા નક્કી થતા ઘણા યુવાનો તૈયાર થયા હતા.
ઉપરાંત બદમાશોની ટીમે સોશિયલ મીડિયા પર સંદેશો ફેલાવ્યો કે શુક્રવારની નમાજ પછી દોરાંડા રિસાલદાર બાબા મેદાન, રાજેન્દ્ર ચોક, રતન ટોકીઝ અને છોટા તાલાબ પાસે તમામ ભેગા થાઓ જ્યાં નુપુર શર્માના પૂતળાનું દહન કરવામાં આવશે. કાળો બેજ પહેરીને આવો. આ પછી યુવકો ત્યાં એકઠા થઈ ગયા હતા અને યોજના મુજબ જોરદાર પથ્થરમારો કર્યો હોવાનું ખુલ્યું છે.
