આજકાલ અમેરિકા, કેનેડા, લંડન માં ખુબજ કામ મળી રહે છે અને ઉંચુ વેતન મલશે તેમજ કામ માં શરમ નહિ રાખવાની થોડા જ સમય માં લાખ્ખો ની આવક થઈ જાય અને જિંદગી સુધરી જાય તેવી વાતો ચાલી રહી છે અને વાળંદ ની દુકાને થી લઈ જ્યાં જાવ ત્યાં આવી વાતો ફેલાતા લોકો વિદેશ જઈ કરોડ પતિ બની જવાના સપના જોઈ અહીં બાપ દાદા ની મિલ્કતો વેચી અહીં થી રવાના તો થાય છે પણ પછી પેટ ભરીને પસ્તાઈ રહયા ના કિસ્સા પણ છે.
ગુજરાતમાંથી વિઝિટર વિઝા પર અમેરિકા જનારા ભારતીયોની સંખ્યા રોજ વધતી જઈ રહી છે, પરંતુ જરૂરી ડોક્યુમેન્ટના અભાવે છેલ્લા બે મહિનામાં 200થી વધુ ગુજરાતીઓને અમેરિકાના એરપોર્ટ પરથી પાછા ફરવું પડ્યું છે.
અમેરિકામાં છેલ્લાં ઘણાં વર્ષોથી સ્થાયી થયેલા ભારતીયો કોરોનાને લીધે માતા-પિતા, ભાઇ-બહેન કે અન્ય સગાંસંબંધીઓને બોલાવી શકતા ન હતા. કોરોનાના ડરથી ઘરમાંથી રહીને કંટાળેલા ભારતીયોની ધીરજ ખૂટતાં ધીમી ધીમે એર ઇન્ડિયાની વંદે મિશન હેઠળ સ્પેશિયલ ફલાઇટમાં અમેરિકાના પ્રવાસે જઇ રહ્યા છે, પરંતુ જેમની પાસે વિઝિટર વિઝા છે, તેમને અમેરિકાના એરપોર્ટ પર ઊતર્યા બાદ ઇમિગ્રેશનમાં ઘણી મુશ્કેલીઓનો સામનો કરવો પડી રહ્યો છે. ઇમિગ્રેશન અધિકારી દ્વારા પૂછવામાં આવતા પ્રશ્નોનો સંતોષકારક જવાબ ન આપો તો તમને ત્યાંથી ભારત પાછા ધકેલી દે છે.
મેલની પ્રિન્ટ વિઝિટર વિઝા પર આવનાર મુસાફરે પાસે રાખવી પડે છે
ખાસ કરીને વિઝિટર વિઝા પર જનાર દરેક ગુજરાતીએ તેમના અમેરિકામાં રહેતા સગાંસંબંધી મારફત અમેરિકન દૂતાવાસને એક મેલ કરવાનો હોય છે, જેમાં તેમને કેમ બોલાવવામાં આવી રહ્યા છે એનો ઉલ્લેખ કરવાનો હોય છે. એટલું જ નહીં, કેટલા દિવસ માટે રોકાણ કરવાનું છે તેમજ તેમની રિટર્ન ટિકિટ સાથેનો ઉલ્લેખ કરવાનો હોય છે, જે મેલની પ્રિન્ટ વિઝિટર વિઝા પર આવનાર મુસાફર પાસે રાખવી પડે છે.
આ એન્ડોર્સમેન્ટ કોપી નહીં હોય અને ફક્ત તમે વિઝિટર વિઝા લઇને જતા હશો તો તમે ફરવા જઇ રહ્યા છો એવી શંકાના આધારે અમેરિકાના ઇમિગ્રેશન ડિપાર્ટમેન્ટ પૂછપરછ કરી ડિપોર્ટ કરી રહ્યું છે. આ પ્રકારની પ્રક્રિયા માલૂમ ન હોવાથી વિઝિટર પર અમેરિકા જનારા ગુજરાતીઓ સીધી ટિકિટ બુકિંગ કરાવી દેતા હોય છે. દરમિયાન તેમને વિદેશથી પરત ફરવાની નોબત આવે છે. આમ, ઊંચા ભાવે ખરીદેલી ટિકિટ અન્ય ખર્ચા પણ માથે પડે છે. જોકે વિઝિટર વિઝા પર જનાર સિનિયર સિટિઝનને ઝડપી ક્લિયર કરી દેવામાં આવે છે. આમ વિદેશ જવાની વાત આવે તો પૈસા ખર્ચ કરતા પહેલા 10 લોકો ને પૂછી આગળ વધવા જાણકારો સલાહ આપી રહયા છે.
