નવી દિલ્હી: ઇન્ડિયન ઓઇલ કોર્પોરેશન 16 જૂનથી પેટ્રોલ-ડીઝલની ખરીદી અને વેચાણમાં રોજ ફેરફાર કરશે. એટલે કે હવેથી પેટ્રોલ-ડીઝલના ભાવ દરરોજ અલગ-અલગ હશે.આ પહેલા પાયલટ પ્રોજેકટ અંતર્ગત પાંચ કંપનીઓએ પાંચ શહેરોમાં 1 મે થી દરરોજ પેટ્રોલ-ડીઝલના ભાવ આંતરરાષ્ટ્રીય બજાર અનુસાર બદલવાની જાહેરાત કરી હતી.
આ યોજનાનો ઉદેશ્ય હતો કે પેટ્રોલ-ડીઝલની હોમ ડીલેવરી કરવામાં આવે અને જો આ પ્રોજેકટ સફળ નીવડે તો તેને પૂરા દેશમાં લાગુ કરવામાં આવે.
અત્યારે ઇન્ડિયન ઓઇલ કોર્પોરેશન દ્વારા આ યોજના પૂરા દેશમાં લાગુ પાડવામાં આવશે અને જલ્દી જ બીજી કંપનીઓ પણ આ યોજના લાગુ કરે તેવી શકયતા છે. અત્યારે મહિનાની 15મી તારીખ અને છેલ્લી તારીખે પેટ્રોલ-ડીઝલના ભાવ બદલાતા હોય છે.