AAPના અન્ય મંત્રી રાજ કુમાર આનંદ પર EDના દરોડા, કેજરીવાલની હાજરી પહેલા 9 સ્થળોએ દરોડા

AAP દિલ્હીના મુખ્યમંત્રી અરવિંદ કેજરીવાલ એન્ફોર્સમેન્ટ ડિરેક્ટોરેટ (ED) સમક્ષ હાજર થાય તે પહેલા તેમના મંત્રી રાજ કુમાર આનંદના ઘરે દરોડા પાડવામાં આવ્યા છે. ગુરુવારે સવારે EDની ટીમ રાજકુમાર આનંદના સત્તાવાર નિવાસસ્થાન સહિત 9 સ્થળોએ પહોંચી અને સર્ચ શરૂ કર્યું. સૂત્રોના જણાવ્યા પ્રમાણે ચીનથી હવાલા મારફતે આવતા નાણાંને લઈને આ દરોડો પાડવામાં આવ્યો છે.

રાજ કુમાર આનંદ દિલ્હી સરકારના સમાજ કલ્યાણ મંત્રી છે. તેમની પાસે શ્રમ રોજગાર, SC અને ST, ગુરુદ્વારા ચૂંટણી, સહકારી મંડળીઓની કામગીરીની જવાબદારી પણ છે. EDની ટીમ સિવિલ લાઈન્સ વિસ્તારમાં રાજ કુમાર આનંદના ઘર સહિત અનેક સ્થળોએ પહોંચી હતી. અર્ધલશ્કરી દળોના અધિકારીઓ નિવાસ અને અન્ય સ્થળોની બહાર તૈનાત રહ્યા.